തുറവൂര്‍: കോടംതുരുത്ത് സര്‍ഗാത്മക സംവാദ വേദിയുടെ നാലാം വാര്‍ഷിക സമ്മേളനം നടന്നു. കോടംതുരുത്ത് പഞ്ചായത്ത് പ്രസിഡന്റ് സൂസന്‍ സെബാസ്റ്റ്യന്‍ ഉദ്ഘാടനം ചെയ്തു. പ്രസിഡന്റ് പ്രൊഫ.ടി രാമന്‍ കുട്ടി അധ്യക്ഷനായി. പട്ടണക്കാട് ബ്ലോക്ക് പഞ്ചായത്ത് പരിധിയിലുള്ള വിദ്യാലയങ്ങളില്‍ നിന്നും തിരഞ്ഞെടുക്കപ്പെട്ട വിദ്യാര്‍ഥികള്‍ പങ്കെടുത്ത ചിത്രരചനാ മത്സരവും പ്രസംഗ മല്‍സരവും നടന്നു. കോടംതുരുത്ത് ഗവ.എല്‍.പി സ്‌കൂളിലെ പാഠ്യ പാഠേതര വിഷയങ്ങളില്‍ ഏറ്റവും മികവു പുലര്‍ത്തിയ ഇരുപതോളം വിദ്യാര്‍ഥികളെ സമ്മേളനം അനുമോദിച്ചു. മാലിന്യ നിര്‍മാര്‍ജനം ഗൃഹാന്തരീക്ഷത്തില്‍ നിന്നാരംഭിക്കുമ്പോള്‍ എന്ന വിഷയത്തില്‍ പൊതു ചര്‍ച്ച നടന്നു. ഡോ.എസ്.ബി ശ്യാമള വിഷയാവതരണം നടത്തി.