വടക്കാഞ്ചേരി: കൂട്ടമാനഭംഗ കേസില്‍ പരാതിക്കാരിയില്‍ നിന്നുള്ള തെളിവെടുപ്പും, രഹസ്യ മൊഴിയെടുക്കലും പൂര്‍ത്തിയായി.
കഴിഞ്ഞ ദിവസമാണ് അന്വേഷണ സംഘത്തിന്റെ ആവശ്യപ്രകാരം തൃശൂര്‍ ഫസ്റ്റ് ക്ലാസ് മജിസ്‌ട്രേറ്റ്   മുന്‍പാകെ യുവതി മൊഴി നല്‍കിയത്. നേരത്തെ തിരുവനന്തപുരത്ത് പത്ര സമ്മേളനത്തില്‍ നടത്തിയ വെളിപ്പെടുത്തലില്‍ ഉറച്ച് നില്‍ക്കുകയാണെന്ന് യുവതി മജിസ്‌ട്രേറ്റിനെ അറിയിച്ചു.
സി.പി.എം കൗണ്‍സിലര്‍ പി.എന്‍ ജയന്തന്‍ ഉള്‍പ്പെടെയുള്ള നാലംഗ സംഘം തന്നെ പീഡിപ്പിച്ചുവെന്നും കൗണ്‍സിലര്‍ മധു അമ്പലപുരവും, പേരാമംഗലം സി.ഐ ആയിരുന്ന മണികണ്ഠനും സംഘവും പരാതി പിന്‍വലിക്കണമെന്നാവശ്യപ്പെട്ട് തന്നെ ഭീഷണിപ്പെടുത്തിയെന്നുമാണ് യുവതിയുടെ മൊഴി.