പരപ്പനങ്ങാടി: മുദ്ര രേഖപ്പെടുത്താത്ത ആറായിരം രൂപക്കുള്ള അറുനൂറു പത്തു രൂപാ നാണയങ്ങളാണ്  പരപ്പനങ്ങാടി സര്‍വിസ് ബാങ്കിലുള്ളത്.
എല്ലാചെറിയ നോട്ടുകളും വിതരണം ചെയ്തു കഴിഞ്ഞ ശേഷം അവശേഷിച്ച ബാഗ് തുറന്നു പരിശോധിച്ചതിലാണ് മുദ്ര പതിയാത്ത പ്ലയിന്‍ നാണയങ്ങള്‍ ആണെന്ന് കണ്ടെത്തിയത്. വാണിജ്യ ബാങ്കില്‍നിന്ന് വാങ്ങിയ ചെറിയ  ചാക്കിലെ ചതി ബോധ്യപ്പെട്ടതോടെ ബാങ്കധികൃതര്‍ ഇവ വിതരണം ചെയ്യാതെ മാറ്റിവെക്കുകയായിരുന്നു. ആയിരം അഞ്ഞൂറ് നോട്ടുകള്‍ ക്രയവിക്രയം ചെയ്യാന്‍ പാടില്ല എന്ന നിര്‍ദേശം ലഭിച്ചതോടെ സഹകരണ ബാങ്കുകളില്‍ ഇന്നലെ തിരക്ക് കുറവായിരുന്നു.