മലപ്പുറം: ചീക്കോട് ഹരിത മഹല്‍ ഓര്‍ക്കസ്ട്രയുടെ പത്താംവാര്‍ഷിക പരിപാടികളുടെ ഭാഗമായി ഏര്‍പ്പെടുത്തിയ പ്രഥമ കലാ അവാര്‍ഡുകള്‍ പ്രഖ്യാപിച്ചു. മുസ്‌ലിംലീഗ് ഉയര്‍ത്തിടിക്കുന്ന സന്ദേശം കലയിലൂടെ പകര്‍ന്നുനല്‍കുന്നതില്‍ പ്രധാന പങ്കുവഹിച്ചവര്‍ക്കാണ് അവാര്‍ഡ് നല്‍കുന്നത്. 5,001 രൂപയും പ്രശസ്തി പത്രവുമടങ്ങുന്നതാണ് അവാര്‍ഡ്.
അവാര്‍ഡിന് ഒ.എം കരുവാരക്കുണ്ട്, പി.എ അബ്ദല്‍ ഹയ്യ്, എ.കെ മുസ്തഫ എന്നിവര്‍ അര്‍ഹരായി. അവാര്‍ഡ് സമര്‍പ്പണം 20നു വൈകിട്ട് ഏഴിനു ചീക്കോട് നടക്കും. ദേശീയ ട്രഷറര്‍ പി.കെ കുഞ്ഞാലികുട്ടി ഉദ്ഘാടനം ചെയ്യും. ഡോ. എം.കെ മുനീര്‍, കെ.പി.എ മജീദ്, ടി.വി ഇബ്രാഹീം എം.എല്‍.എ, പി.എ ജബ്ബാര്‍ ഹാജി, പി.കെ ഫിറോസ്, ടി.പി അഷ്‌റഫലി, ആര്യാടന്‍ ഷൗക്കത്ത് പങ്കെടുക്കും. ഇ.ടി മുഹമ്മദ് ബഷീര്‍ ചെയര്‍മാനായ ജൂറിയാണ് അവാര്‍ഡ് ജേതാക്കളെ തെരഞ്ഞെടുത്തത്.
വാര്‍ത്താസമ്മേളനത്തില്‍ സി. അബ്ദുല്‍ ഹമീദ് മാസ്റ്റര്‍, കെ.സി ഗഫൂര്‍ ഹാജി, കെ. ഇമ്പിച്ചിമോതി മാസ്റ്റര്‍, റഹ്മാന്‍ വെട്ടുപാറ, സക്കീര്‍ കൊന്നേങ്ങല്‍ പങ്കെടുത്തു.