കണ്ണൂര്‍: കോയമ്പത്തൂരില്‍ നടന്ന ഓള്‍ ഇന്ത്യാ അമേച്വര്‍ മീറ്റില്‍ കേരളത്തെ പ്രതിനിധീകരിച്ച് 5000 മീറ്റര്‍ നടത്ത മത്സരത്തില്‍ സംസ്ഥാന റെക്കോര്‍ഡ് ഭേദിച്ച് വെങ്കല മെഡല്‍ നേടിയ എളയാവൂര്‍ സി.എച്ച്.എം ഹയര്‍സെക്കന്‍ഡറി സ്‌കൂള്‍ വിദ്യാര്‍ഥി മുഹമ്മദ് അഫ്ഷാനു കണ്ണൂര്‍ റെയില്‍വേ സ്റ്റേഷനില്‍ സ്വീകരണം നല്‍കി. ഇന്നലെ രാവിലെ ചെന്നൈ-മംഗളൂരു മെയിലില്‍ കണ്ണൂരിലെത്തിയ അഫ്ഷാനെ മുന്‍ ഡെപ്യൂട്ടി മേയര്‍ സി സമീര്‍, സ്‌കൂള്‍ മാനേജര്‍ പി മുഹമ്മദ്, മാനേജിങ് കമ്മിറ്റി അംഗം ടി.ടി നൗഷാദ്, കായിക അധ്യാപകന്‍ മുഹമ്മദ് സാദിഖ്, പരിശീലകരായ ശ്രീശന്‍ കൂടാളി, പുരുഷോത്തമന്‍ കാപ്പാട്, അധ്യാപകരായ എം മുസ്തഫ, എസ് ആഷിഖ്, കെ.എം ഷംസുദ്ദീന്‍ എന്നിവരും വിദ്യാര്‍ഥികളും നേതൃത്വം നല്‍കി.
തെലങ്കാനയില്‍ നടന്ന സൗത്ത് ഇന്ത്യന്‍ ഇന്റര്‍ക്ലബ് അത്‌ലറ്റ് മീറ്റില്‍ 5000 മീറ്റര്‍ നടത്തത്തില്‍ സ്വര്‍ണം നേടിയ അഫ്ഷാന്‍ സ്‌കൂളിലെ ഒന്‍പതാം ക്ലാസ് വിദ്യാര്‍ഥിയും കണ്ണോത്തുംചാല്‍ സ്വദേശിയുമാണ്.