ആലുവ: സമസ്ത കേരള ജംഇയ്യത്തുല്‍ ഉലമാ എറണാകുളം ജില്ലാ കമ്മിറ്റി എല്ലാ മാസവും പണ്ഡിതന്മാര്‍ക്കായി സംഘടിപ്പിക്കുന്ന പണ്ഡിത ദറസ് നാളെ  ശനി ഉച്ചയ്ക്ക് രണ്ട് മണിക്ക് ആലുവ കുട്ടമശ്ശേരി സമസ്ത ജില്ലാ കാര്യാലയത്തില്‍ നടക്കും. ചെമ്മാട് ദാറുല്‍ ഹുദാ പ്രൊഫസര്‍ അല്‍ ഉസ്താദ് കെ.സി മുഹമ്മദ് ബാഖവി സക്കാത്തും ആധുനിക പ്രശ്‌നങ്ങളും എന്ന വിഷയത്തില്‍ ക്ലാസ് അവതരിപ്പിക്കും. സമസ്ത കേന്ദ്ര മുശാവറ സംഘം ഇ.എസ് ഹസന്‍ ഫൈസി ഉദ്ഘാടനം ചെയ്യും. പണ്ഡിത ദറസില്‍ പേര് ചെയ്തിട്ടുള്ള മുഴുവന്‍ ഉലമാക്കളും കൃത്യസമയത്ത് എത്തിച്ചേരണമെന്ന് കണ്‍വീനര്‍ അബ്ദുള്‍സലാം ഫൈസി അറിയിച്ചു.