മേപ്പയ്യൂര്‍: പൊലിസ് സ്‌റ്റേഷനു മുന്നില്‍ വന്‍ ഗതാഗതക്കുരുക്ക്. മാസങ്ങളായി അനധികൃത മണല്‍കടത്തു വാഹനങ്ങള്‍ ഉള്‍പ്പെടെ സ്‌റ്റേഷനു മുന്നില്‍ പാര്‍ക്ക് ചെയ്തിരിക്കുന്നതാണ് കാരണം. സ്‌റ്റേഷനു സമീപത്തായി നാലോളം ബാങ്കുകള്‍ സ്ഥിതി ചെയ്യുന്നുണ്ട്. കൂടാതെ കെ.എസ്.ഇ.ബി ഓഫിസ്, സബ് രജിസ്ട്രാര്‍ ഓഫിസ്, കൊഴുക്കല്ലൂര്‍ വില്ലേജ് ഓഫിസ് എന്നിവയുമുണ്ട്. നോട്ടുനിരോധനം വന്നതോടെ രാവിലെ ആറുമണി മുതല്‍ ബാങ്കിലേക്കുള്ള നീണ്ടനിരയാണ്. റോഡരികികെ അനധികൃത മണല്‍ ലോറികള്‍ എത്രയും വേഗം നീക്കം ചെയ്യണമെന്ന് മേപ്പയ്യൂര്‍ ടൗണ്‍ മുസ്‌ലിം ലീഗ് കമ്മിറ്റി, കര്‍ഷക കോണ്‍ഗ്രസ് ജില്ലാ കമ്മിറ്റി ആവശ്യപ്പെട്ടു.