ശ്രീനഗര്‍: ജമ്മുകശ്മീരില്‍ വിലക്കേര്‍പ്പെടുത്തിയ മൊബൈല്‍ ഇന്റര്‍നെറ്റ് സേവനം പുനസ്ഥാപിച്ചു. നാലു മാസത്തെ വിലക്കിനു ശേഷമാണ് ഇന്റര്‍നെറ്റ് പുനസ്ഥാപിച്ചത്. ഇന്ന് പുലര്‍ച്ച മുതലാണ് ഇന്റര്‍നെറ്റ് സേവനം പുനസ്ഥാപിച്ചത്.

സംഘര്‍ഷം പൊട്ടിപ്പുറപ്പെട്ടപ്പോള്‍ താല്‍ക്കാലികാമായാണ് പോസ്റ്റ്‌പെയ്ഡ് ഇന്റര്‍നെറ്റ് സേവനം റദ്ദാക്കിയത്. ഹിസ്ബുള്‍ മുജാഹിദീന്‍ കമാന്‍ഡര്‍ ബുര്‍ഹാന്‍ വാനി കൊല്ലപ്പെട്ടതിനു ശേഷമാണ് കശ്മീര്‍ താഴ്‌വരയില്‍ സംഘര്‍ഷം പൊട്ടിപ്പുറപ്പെട്ടത്. ജൂലൈ എട്ടിന് ബുര്‍ഹാന്‍ വാനി കൊല്ലപ്പെട്ടതിന് പിന്നാലെ ജൂലൈ 15നാണ് മൊബൈല്‍ ഇന്റര്‍നെറ്റ് സേവനം വിച്ഛേദിച്ചത്. താഴ്‌വരയില്‍ സംഘര്‍ഷത്തിന് കുറവു വന്നതോടെയാണ് മൊബൈല്‍ ഇന്റര്‍നെറ്റ് സേവനം പുനസ്ഥാപിക്കാന്‍ തീരുമാനിച്ചതെന്ന് അധികൃതര്‍ അറിയിച്ചു.