മേട്ടുപ്പാളയം: കോയമ്പത്തൂര്‍ വിമാനത്താവളത്തില്‍ അനധികൃത സ്വര്‍ണവുമായി മലയാളി പിടിയില്‍. അനധികൃതമായി സ്വര്‍ണം കടത്താന്‍ ശ്രമിച്ച കാസര്‍ഗോഡ് പുതിയപുരം മുഹമ്മദ് കോയയുടെ മകന്‍ മുര്‍സാദ് (32) ആണ് അറസ്റ്റിലായത്.

വെള്ളിയാഴ്ച പുലര്‍ച്ചെ 3.30 ന് കോയമ്പത്തൂര്‍ വിമാനത്താവളത്തില്‍ എത്തിയ ഷാര്‍ജ-കോയമ്പത്തൂര്‍ എയര്‍ അറേബ്യ വിമാനത്തിലെ യാത്രക്കാരനായിരുന്നു മുര്‍സാദ്. ഇയാളില്‍നിന്ന് 700 ഗ്രാം സ്വര്‍ണം പിടിച്ചെടുത്തു. ബിസ്‌കറ്റ് രൂപത്തില്‍ ബാഗില്‍ സൂക്ഷിച്ച നിലയിലായിരുന്നു സ്വര്‍ണം.

ഇതിന് പുറമെ ഇയാളുടെ കൂടെ വന്ന മറ്റൊരു കാസര്‍ഗോഡ് സ്വദേശിയായ യൂസഫില്‍(28) നിന്നും 30 പോക്കറ്റ് സിഗരറ്റും പിടികൂടിയിട്ടുണ്ട്.