റിയാദ്: വിനോദ പരിപാടിക്കിടെ സഊദിയില്‍ ബാലികയെ കടുവ ആക്രമിച്ചു. അഞ്ചു വയസുകാരിയാണ് ആക്രമണത്തിനിരയായത്. സകാക്കയിലുള്ള ഒരു മാര്‍ക്കറ്റിനു സമീപമാണ് സംഭവം.  മൃഗങ്ങളുമായി ബന്ധപ്പെട്ട വിനോദ പരിപാടിയുടെ ഭാഗമായി പരിശീലകന്‍ കടുവയുമായി എത്തിയതായിരുന്നു. ഇതിനിടെയാണ് കടുവ ബാലികയെ ആക്രമിച്ചത്. സംഭവത്തിന്റെ വീഡിയോ സാമൂഹികമാധ്യമങ്ങളില്‍ പ്രചരിക്കുന്നുണ്ട്. സുരക്ഷാസംവിധാനങ്ങളുടെ പോരായ്മയാണ് സംഭവത്തിനു കാരണമെന്ന് ആരോപണമുയര്‍ന്നിട്ടുണ്ട്.