അരീക്കോട്: കാഴ്ചയില്ലാത്തവര്‍ക്കൊപ്പം പിറന്നാള്‍ ആഘോഷം സംഘടിപ്പിച്ചു കുട്ടിപ്പൊലിസുകള്‍. വാഴക്കാട് ഗവ. ഹയര്‍സെക്കന്‍ഡറി സ്‌കൂളിലെ സ്റ്റുഡന്റ്‌സ് പൊലിസ് കേഡറ്റാണ് എന്‍.സി.സി ദിനാചരണം ആഘോഷിക്കാന്‍ കിഴുപറമ്പ് പഴയം പറമ്പിലെ കാഴ്ചയില്ലാത്തവരുടെ അഗതി മന്ദിരത്തിലെത്തിയത്.
എം.ഐ ശബീറിന്റെ നേതൃത്വത്തിലാണ് അധ്യാപകരും അന്‍പത് സ്റ്റുഡന്‍സ് കേഡറ്റുകളും അന്തേവാസികള്‍ക്ക് സാന്ത്വനമായെത്തിയത്.
ഗ്രാമപഞ്ചായത്ത് പ്രസിഡന്റ് ഹാജറുമ്മ ഉദ്ഘാടനം ചെയ്തു. എച്ച്.എം ടി. പ്രഭാകരന്‍ അധ്യക്ഷനായി.
പി.ടി.എ പ്രസിഡന്റ് റഫീഖ് അഫ്‌സല്‍ മുഖ്യാതിഥിയായി. ഹാമിദലി കുനിയില്‍, സി.പി മുനീര്‍, അഷ്‌റഫ്, വേലായുധന്‍, ബാലു ഇടുക്കി സംബന്ധിച്ചു.