കടമേരി: പണ്ഡിതന്മാര്‍ കാലഘട്ടത്തിന്റെ വെല്ലുവിളികള്‍ ഏറ്റെടുക്കേണ്ടവരാണെന്നും സമൂഹത്തില്‍ വളര്‍ന്നു വരുന്ന ദുരാചാരങ്ങള്‍ക്കും അന്തവിശ്വാസങ്ങള്‍ക്കുമെതിരേ പ്രതിരോധം തീര്‍ക്കേണ്ടവരാണെന്നും സമസ്ത മുശാവറ അംഗം ചേലക്കാട് മുഹമ്മദ് മുസ്‌ലിയാര്‍. സമസ്ത ജില്ലാ കമ്മിറ്റി ജില്ലയിലെ ദര്‍സ്, അറബിക് കോളജുകള്‍ കേന്ദ്രീകരിച്ചു നടത്തുന്ന ആദര്‍ശ പഠന ക്ലാസിന്റെ ജില്ലാതല ഉദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം.
കടമേരി റഹ്മാനിയ്യയില്‍ നടന്ന ചടങ്ങില്‍ മുടിക്കോട് മുഹമ്മദ് മുസ്‌ലിയാര്‍ അധ്യക്ഷനായി. സി.എച്ച് മഹ്മൂദ് സഅദി സ്വാഗതം പറഞ്ഞു. 'തൗഹീദും ശിര്‍ക്കും' വിഷയത്തില്‍ യു.കെ അബ്ദുല്‍ ലത്ത്വീഫ് ബാഖവിയും 'മൗലിദ് ' വിഷയത്തില്‍ കെ.സി മുഹമ്മദ് ഫൈസിയും സംസാരിച്ചു.
സമസ്ത ചീഫ് ഖാരിഅ് അബ്ദുല്‍ റസാഖ് മുസ്‌ലിയാര്‍, മഹ്ബൂബലി അശ്അരി, അബ്ബാസ് ദാരിമി, റാഷിദ് അശ്അരി, മിര്‍സ ഷക്കീല്‍ ഹുദവി സംബന്ധിച്ചു.