പെരിന്തല്‍മണ്ണ: പട്ടിക്കാട് ജാമിഅഃ നൂരിയ്യയില്‍ പ്രവര്‍ത്തിക്കുന്ന സയ്യിദ് മുഹമ്മദലി ശിഹാബ് തങ്ങള്‍ ഇസ്‌ലാമിക് ഡിസ്റ്റന്‍സ് സ്‌കൂളിന്റെ കീഴില്‍ ഓണ്‍ലൈന്‍ ഇസ്‌ലാമിക് കോഴ്‌സ് ആരംഭിക്കുന്നു. രണ്ടു വര്‍ഷം ദൈര്‍ഘ്യമുള്ള സര്‍ട്ടിഫിക്കറ്റ് കോഴ്‌സില്‍ മദ്‌റസാപ്രായം കഴിഞ്ഞവര്‍ക്കാണു പ്രവേശനം . ഭൗതിക വിദ്യാഭ്യാസ രംഗത്തുള്ള വിദ്യാര്‍ഥികള്‍, അധ്യാപകര്‍, പ്രൊഫഷനലുകള്‍, ബിസിനസുകാര്‍, പ്രവാസികള്‍ തുടങ്ങിയ സമൂഹത്തിന്റെ നാനാതുറകളിലുള്ളവര്‍ക്ക് ഉപകാരപ്പെടുന്ന വിധമാണു കോഴ്‌സ്. തിരഞ്ഞെടുക്കപ്പെട്ട അധ്യായങ്ങള്‍, സൂക്തങ്ങള്‍, ഖുര്‍ആനില്‍ വന്ന ദിക്‌റുകള്‍, ദുആകള്‍, നിസ്‌കാരം, സകാത്, നോമ്പ്, ഹജ്ജ് തുടങ്ങിയ അനുഷ്ഠാന കര്‍മങ്ങളുടെയും, വിവാഹം, കച്ചവടം തുടങ്ങിയ ഇടപാടുകളിലേയും കര്‍മ ശാസ്ത്ര പാഠങ്ങള്‍, വിശ്വാസ കാര്യങ്ങള്‍, ചരിത്രം, ശാസ്ത്രം അനുബന്ധ കാര്യങ്ങള്‍ മുതലായവ ഉള്‍ക്കൊള്ളുന്നതായിരിക്കും സിലബസ്. നാട്ടിലും ഗള്‍ഫ് നാടുകളിലും പ്രാദേശിക പഠന കേന്ദ്രങ്ങള്‍ അനുവദിക്കും. പ്രാദേശിക പഠന കേന്ദ്രങ്ങള്‍ ആരംഭിക്കാന്‍ ആഗ്രഹിക്കുന്നവര്‍ക്ക് ംംം.ഷമാശമിീീൃശ്യമ.ീൃഴ, ഷമാശമിീീൃശ്യ്യമ.യഹീഴുെീ.േശി എന്നീ സൈറ്റുകളില്‍ നിന്നും അപേക്ഷ ഫോറം ലഭ്യമാകും.