കുന്നംകുളം: പാറയില്‍ മാര്‍ക്കറ്റ് പരിസരത്ത് അനധികൃത മാംസ കച്ചവടം. നഗരസഭ പൊലിസില്‍ പാരതി നല്‍കി. ഹൈകോടതി ഉത്തവിനെ തുര്‍ന്ന് കുന്നംകുളം പാറയില്‍ മാര്‍ക്കറ്റ് അടച്ചു പൂട്ടിയതോടെ അനധികൃതമായി മാര്‍ക്കറ്റ് പരിസരത്ത് കച്ചവടം നടത്തുന്നതായി ആരോഗ്യവകുപ്പ് കണ്ടെത്തിയത്. രണ്ടാഴ്ച മുന്‍പ് പാറയില്‍ മാര്‍ക്കറ്റിലെ എട്ടും അങ്ങാടിയിലെ രണ്ടും മാംസകച്ചവട സ്റ്റാളുകള്‍ നഗരസഭ ആരോഗ്യവിഭാഗം സീല്‍ ചെയ്തിരുന്നു. ഇതോടെ തൊഴില്‍ നഷ്ടമായ കച്ചടക്കാര്‍ മാര്‍ക്കറ്റിനകത്തും പരിസരത്തുമായി വാഹനങ്ങളിലും മറ്റും രഹസ്യമായി മാംസം സൂക്ഷിച്ച് വില്‍പന നടത്തുന്നുവെന്നാണ് നഗരസഭ ആരോഗ്യ വിഭാഗത്തിന്റെ കണ്ടെത്തല്‍. ഇത്തരത്തില്‍ അനധികൃതമായി മാംസം കച്ചവടം നടത്തുന്നവര്‍ക്കെതിരേ നിയമനടപടി സ്വീകരിക്കണമെന്നാവശ്യപെട്ട് നഗരസഭ സെക്രട്ടറി പൊലിസിന് പരാതി നല്‍കി. ആരോഗ്യവിഭാഗം സെക്രട്ടറിക്ക് നല്‍കിയ കത്തിന്റെ അടിസ്ഥാനത്തിലാണ് പരാതി.
കുന്നംകുളത്ത് അറവു ശാല ഇല്ലാത്ത സാഹചര്യത്തില്‍ അനധികൃതമായി മൃഗങ്ങളെ കൊന്നാണ് മാര്‍ക്കറ്റില്‍ മാംസമായി വില്‍പന നടത്തുതെന്നും സ്വന്തമായി അറവു ശാല സ്ഥാപിക്കുകയോ, കച്ചവടം നിര്‍ത്തലാക്കുകയോ വേണമെന്ന സ്‌പെഷല്‍ ബ്രാഞ്ച് റിപ്പോര്‍ട്ടിന്റെ അടിസ്ഥാനത്തില്‍ മാസങ്ങള്‍ക്ക് മുന്‍പ് കോടതി ഉത്തരവുണ്ടായിരുന്നു.
എന്നാല്‍ കുന്നംകുളത്ത് ഇത് പ്രാവര്‍ത്തികമായില്ല. തുടര്‍ന്ന് ഈ കണ്ടെത്തലുകളെ ന്യായീകരിച്ച് ആരോഗ്യ സ്ഥിരം സമതി തന്നെ നഗരസഭക്ക് പരാതി നല്‍കുകയും. ഇതില്‍ നടപടിയുണ്ടാകാതിരുന്നതോടെ കോടതി വിധി നിരാകരിച്ചതായി കാട്ടി നഗരസഭ കൗണ്‍സിലറും ആര്‍.എം.പി നേതാവുമായി സോമന്‍ സമര്‍പിച്ച കേസ് ഹൈകോടതി ഫയലില്‍ സ്വീകരിച്ച് രണ്ടാഴ്ചയ്ക്കകം മാംസകച്ചവടം നിര്‍ത്തലാക്കി കോടതിയെ അറിയിക്കണമെന്ന് ഉത്തരവിട്ടിരുന്നു ഈ ഉത്തരവിന്റെ അടിസ്ഥാനത്തിലാണ് നഗരസഭ മാര്‍ക്കറ്റ് സീല്‍ ചെയ്തത്. ഇതോടെയാണ് കച്ചവടക്കാര്‍ രഹസ്യമായി മാംസ കച്ചവടം ആരംഭിച്ചതെന്ന് പറയുന്നു. ഇത്തരം കച്ചവടം കോടതി വിധി ലംഘനമാണ്. പിടിക്കപെട്ടാല്‍ കടുത്ത ശിക്ഷ ലഭിച്ചേക്കും.