കാലടി: അങ്കമാലി ബ്ലോക്ക് പഞ്ചായത്ത് കേരളോത്സവം കാലടി നാസ് ഓഡിറ്റോറിയത്തില്‍ സംസ്‌കൃത സര്‍വ്വകലാശാല വൈസ് ചാന്‍സിലര്‍ ഡോ. എം.സി ദിലീപ് കുമാര്‍ ഉദ്ഘാടനം ചെയ്തു.
ഉദ്ഘാടനത്തോടനുബന്ധിച്ച് ഷട്ടില്‍ ബാഡ്മിന്റന്‍ മത്സരങ്ങളുണ്ടായിരുന്നു. ഇന്ന് രാവിലെ ഒന്‍പതിന് മാണിക്ക്യമംഗലം എന്‍.എസ്.എസ് ഹയര്‍ സെക്കന്ററി സ്‌കൂളില്‍ ക്രിക്കറ്റ് മത്സരങ്ങള്‍ ആരംഭിക്കും. നാളെ രാവിലെ ഒന്‍പതിന് മൂക്കന്നൂര്‍ സേക്രട്ട് ഹാര്‍ട്ട് ഹൈസ്‌കൂള്‍ ഗ്രൌണ്ടില്‍ അത് ലറ്റിക്‌സും മുപ്പതിന് പകല്‍ മൂന്നിന് കാഞ്ഞൂര്‍ സെന്റ്.സെബാസ്റ്റ്യന്‍സ് ഹൈസ്‌കൂള്‍ ഗ്രൗണ്ടില്‍ വടം വലി മത്സരങ്ങളും നടക്കും.
നാലിന് രാവിലെ പത്തെമുപ്പതിന് ബ്ലോക്ക് പഞ്ചായത്ത് ഓഡിറ്റോറിയത്തില്‍ കലാ മത്സരങ്ങളും സാഹിത്യോത്സവവും നടക്കും.