പൊന്നാനി: നഗരസഭാ കൗണ്‍സിലറുടെ നേതൃത്വത്തില്‍ സി പി എം പ്രവര്‍ത്തകര്‍ നടത്തിയ അക്രമത്തില്‍ പ്രതിഷേധിച്ചു മുസ്‌ലിം യൂത്ത് ലീഗ് പ്രവര്‍ത്തകര്‍ പ്രകടനം നടത്തി. യൂത്ത് ലീഗ് പ്രവര്‍ത്തകരായ ആര്‍ വി റംഷാദ്, പി വി ജാസിര്‍ എന്നിവര്‍ക്കാണ് പരിക്കേറ്റത്.
വ്യാഴാഴ്ച എല്‍ ഡി എഫ് വിജയാഹ്ലാദത്തിനിടെ നഗരസഭാ കൗണ്‍സിലര്‍ മഞ്ചേരി ഇക്ബാലിന്റെ നേതൃത്വത്തിലായിരുന്നു അക്രമമെന്ന് യുഡിഎഫ് നേതാക്കള്‍ പറഞ്ഞു. പരിക്കേറ്റവര്‍ എടപ്പാളിലെ ആശുപത്രിയില്‍ ചികിത്സ തേടി. പൊലിസില്‍ പരാതി നല്‍കിയിട്ടുണ്ട്.
കറുകത്തിരുത്തിയില്‍ നടന്ന പ്രകടനത്തിന് യൂത്ത് ലീഗ് മണ്ഡലം പ്രസിഡണ്ട് യു മുനീബ്, മുനിസിപ്പല്‍ കൗണ്‍സിലര്‍ പി വി അബ്ദുല്‍ നാസര്‍, ഫൈസല്‍, ഷബീര്‍, വി വി ബഷീര്‍ നേതൃത്വം നല്‍കി.