തിരൂര്‍ക്കാട്: മങ്കട മണ്ഡലത്തില്‍ നിന്നും മൂന്ന് എം.എല്‍.എ മാര്‍ നിയമസഭയിലേക്ക്. പെരിന്തല്‍മണ്ണയില്‍ നിന്നു വിജയിച്ച മഞ്ഞളാംകുഴി അലി മങ്കട മണ്ഡലത്തിലെ പനങ്ങാങ്ങര സ്വദേശിയാണ്. അലി മുന്‍പ് രണ്ടുതവണ മങ്കടയിലെ എം.എല്‍.എയുമായിരുന്നു. എറണാകുളം സ്വദേശിയായ ടി.എ അഹമ്മദ് കബീര്‍ രണ്ടാം തവണയാണ് മങ്കടയില്‍ നിന്നും തെരഞ്ഞെടുക്കപ്പെടുന്നത്. കോട്ടക്കലില്‍ വിജയിച്ച യു.ഡി.എഫ് സ്ഥാനാര്‍ഥിയും മുന്‍ എം.എല്‍.എയുമായിരുന്ന കെ.കെ.എസ് തങ്ങളുടെ മകന്‍ കെ.കെ ആബിദ് ഹുസൈന്‍തങ്ങള്‍ മങ്കട മണ്ഡലത്തിലെ വടക്കാങ്ങര സ്വദേശിയുമാണ്.ഇദ്ദേഹം മങ്കട മണ്ഡലം മുസ്‌ലിംലീഗ് പ്രസിഡന്റുമാണ്. അലിയുടെ വിജയത്തോടെ പഴയ തട്ടകമായ മങ്കടയിലെ പ്രവര്‍ത്തകരും ആവേശത്തിലാണ്.