പള്ളിക്കല്‍: പുല്ലാണി കൃഷ്ണന്‍ നായരുടെ മകന്‍ ഫൈസലിന്റെ വധത്തെ അനുകൂലിച്ചും കൊലയാളികള്‍ക്കനുകൂലമായും ഫേസ്ബുക്കില്‍ പോസ്റ്റിട്ടതിനു യുവാവിനെതിരേ പരാതി. പുത്തൂര്‍ പള്ളിക്കലിലെ യുവാവിനെതിരേ പള്ളിക്കല്‍ പഞ്ചായത്ത് യൂത്ത് ലീഗ് ജനറല്‍ സെക്രട്ടറി മുസ്തഫ പള്ളിക്കല്‍ തിരൂരങ്ങാടി സര്‍ക്കിള്‍ ഇന്‍സ്‌പെക്ടര്‍ക്കു പരാതി നല്‍കി. മലപ്പുറത്തു മതംമാറിയ യുവാവിനെ ആണ്‍കുട്ടികള്‍ വെട്ടിക്കൊന്നെന്നാണ് ഫേസ്ബുക്കിലും വാട്‌സ്ആപ്പിലും പ്രചരിക്കുന്നത്. വിഷയത്തില്‍ ശക്തമായ നടപടി സ്വീകരിക്കണമെന്നു പഞ്ചായത്ത് യൂത്ത്‌ലീഗ് പ്രസിഡന്റ് കെ.ഇ സിറാജും സെക്രട്ടറി മുസ്തഫ പള്ളിക്കലും ആവശ്യപ്പെട്ടു.