മൊഹാലി: ഇംഗ്ലണ്ടുമായുള്ള പരമ്പരയിലെ മൂന്നാം ടെസ്റ്റില്‍ ഇന്ത്യയ്ക്ക് എട്ടു വിക്കറ്റ് വിജയം. 103 റണ്‍സ് വിജയലക്ഷ്യവുമായി ഇറങ്ങിയ ഇന്ത്യ രണ്ടു വിക്കറ്റ് നഷ്ടത്തില്‍ ലക്ഷ്യം നേടി. കീപ്പര്‍ പാര്‍ഥിവ് പട്ടേല്‍ 54 പന്തില്‍ നിന്നും 67 റണ്‍സ് നേടി.

നാലാം ദിനം ബാറ്റിങ്ങിനിറങ്ങിയ ഇംഗ്ലണ്ട് 236 റണ്‍സിന് എല്ലാവരും പുറത്തായി. ജോറൂട്ടും ഹസീബ് ഹമദും നേടിയ അര്‍ധ ശതകങ്ങളാണ് ഇംഗ്ലണ്ടിന് മാന്യമായ സ്‌കോര്‍ നേടുന്നതില്‍ സഹായിച്ചത്. റൂട്ട് 78 റണ്‍സെടുത്തപ്പോള്‍ ഹമീദ് 59 റണ്‍സെടുത്ത് പുറത്താകാതെ നിന്നു.

ഇന്ത്യയ്ക്കായി അശ്വിന്‍ മൂന്നു വിക്കറ്റും സമിയും ജഡേജയും യാദവും രണ്ടു വിക്കറ്റ് വീതവും വീഴ്ത്തി. വിജയത്തോടെ അഞ്ചു ടെസ്റ്റ് പരമ്പരയില്‍ ഇന്ത്യ 2-0 ത്തിന് മുമ്പിലാണ്. ആദ്യ മല്‍സരം സമനിലയില്‍ കലാശിച്ചിരുന്നു.