മട്ടന്നൂര്‍: പാലോട്ടുപള്ളി മഖാം ഉറൂസ് നാളെ ആരംഭിച്ച് 12നു സമാപിക്കും. ഉറൂസിന്റെ ഒരുക്കങ്ങള്‍ പൂര്‍ത്തിയായതായി സംഘാടകര്‍ വാര്‍ത്താസമ്മേളനത്തില്‍ അറിയിച്ചു. രാവിലെ 9.30 കെ.സി കുഞ്ഞിക്കോയ തങ്ങള്‍ പതാക ഉയര്‍ത്തും. രാത്രി എട്ടിനു പാണക്കാട് ഹമീദലി ശിഹാബ് തങ്ങള്‍ ഉറൂസ് ഉദ്ഘാടനം ചെയ്യും. കെ.കെ അബൂള്‍ റഹിമാന്‍ ഹാജി അധ്യക്ഷനാകും. അത്തിപ്പറ മൊയ്തീന്‍ കുട്ടി മുസ്‌ലിയാര്‍ പ്രാര്‍ഥനയ്ക്കു നേതൃത്വം നല്‍കും. എ.വി അബ്ദുല്‍ റഹിമാന്‍ മുസ്‌ലിയാര്‍ മുഖ്യ പ്രഭാഷണം നടത്തും.
തുടര്‍ന്നുള്ള ദിവസങ്ങളില്‍ രാത്രി എട്ടിനു ആബിദ് ഹുദവി തച്ചണ്ണ, ഖലീല്‍ ഹുദവി കാസര്‍കോട്, മുസ്തഫ ഹുദവി ആക്കോട്, അബ്ദുസ്സമദ് പൂക്കോട്ടൂര്‍, ഹസന്‍ സഖാഫി പൂക്കോട്ടൂര്‍, അറക്കല്‍ അബ്ദു റസാഖ് ദാരിമി, അന്‍വര്‍ മുഹ്‌യുദ്ദീന്‍ ഹുദവി, ജലീല്‍ റഹ്മാനി വാണിയന്തര്‍ പ്രഭാഷണം നടത്തും. ഡിസംബര്‍ നാലിനു രാത്രി എട്ടിനു സ്വലാത്ത് മജ്‌ലിസ് സമ്‌സത സെക്രട്ടറി പ്രൊഫസര്‍ കെ ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും. അറക്കല്‍ അബൂ റസാഖ് ദാരിമി നേതൃത്വം നല്‍കും.
12നു ഖത്തം ദുഅ കൂട്ടു പ്രാര്‍ഥനയ്ക്കു മാണിയൂര്‍ അഹമ്മദ് മുസ്‌ലിയാര്‍ നേതൃത്വം നല്‍കും. തുടര്‍ന്നു നബിദിന മഹാസമ്മേളനവും ഉറൂസ് സമാപനവും പാണക്കാട് മുനവ്വറലി ശിഹാബ് തങ്ങള്‍ ഉദ്ഘാടനം ചെയ്യും.
വാര്‍ത്താസമ്മേളനത്തില്‍ മഹല്‍ പ്രസിഡന്റ് കെ.കെ അബ്ദുള്‍ റഹിമാന്‍ ഹാജി, സെക്രട്ടറി ഇ.പി ഷംസുദ്ദീന്‍, മുസ്തഫ ച്യൂര്യോട്ട്, വി.എന്‍ മുഹമ്മദ്, യൂസഫ് കൊണ്ടാട്, സി മുഹമ്മദ് പങ്കെടുത്തു .