മണ്ണാര്‍ക്കാട്: ആദര്‍ശ പ്രചരണം, ധാര്‍മിക ബോധവല്‍ക്കരണം, വിദ്യാഭ്യാസ- ജീവകാരുണ്യ പ്രവര്‍ത്തനങ്ങള്‍ എന്നീ വിഷയങ്ങളില്‍ ശാഖാ-പഞ്ചായത്ത്-മണ്ഡലം ഭാരവാഹികള്‍ക്ക് പ്രായോഗിക പരിശീലനം നല്‍കുന്നതിനായി എസ്.വൈ.എസ്. മണ്ണാര്‍ക്കാട് മണ്ഡലം കമ്മിറ്റിയുടെ ആഭിമുഖ്യത്തില്‍ ഞായറാഴ്ച വൈകുന്നേരം അഞ്ചു മുതല്‍ രാത്രി 11 വരെ ഇസ്‌ലാമിക് സെന്റര്‍ ഓഡിറ്റോറിയത്തില്‍ മുന്നേറ്റം 2016 നേതൃപരിശീലന ക്യാംപ് നടന്നു.
മണ്ണാര്‍ക്കാട് മണ്ഡലം പ്രവര്‍ത്തക സമിതി അംഗങ്ങള്‍, ആമില മെമ്പര്‍മാര്‍, അലനല്ലൂര്‍, കോട്ടോപ്പാടം, തച്ചനാട്ടുകര, കരിമ്പുഴ, കുമരംപുത്തൂര്‍, തെങ്കര, കാഞ്ഞിരപ്പുഴ പഞ്ചായത്ത് ഭാരവാഹികള്‍, മണ്ണാര്‍ക്കാട് മുന്‍സിപ്പാലിറ്റി, അട്ടപ്പാടി മേഖല ഭാരവാഹികള്‍ എന്നിവരാണ് ക്യാംപില്‍ പ്രതിനിധികളായി പങ്കെടുത്തത്.
പി.കെ. ഇമ്പിച്ചിക്കോയ തങ്ങള്‍ കൊടക്കാടിന്റെ പ്രാര്‍ഥനയോടെ വൈകുന്നേരം അഞ്ചിന് ആരംഭിച്ചു. മണ്ഡലം പ്രസിഡന്റ് ഹബീബ് ഫൈസി കോട്ടോപ്പാടത്തിന്റെ അധ്യക്ഷനായി.
എസ്.കെ.ജെ.എം.സി.സി. സംസ്ഥാന പ്രസിഡന്റ് സി.കെ.എം. സ്വാദിഖ് മുസ്‌ലിയാര്‍ ഉദ്ഘാടനം ചെയ്തു. കെ.സി. അബൂബക്കര്‍ ദാരിമി, സി. മുഹമ്മദ് കുട്ടി ഫൈസി, ശമീര്‍ ഫൈസി കോട്ടോപ്പാടം, കെ. മുഹമ്മദലി മാസ്റ്റര്‍ വടക്കുമണ്ണം, പ്രസംഗിച്ചു.
എസ്.കെ.എസ്.എസ്.എഫ്. സംസ്ഥാന ജന.സെക്രട്ടറി സതാര്‍ പന്തല്ലൂര്‍ സംഘടന-ദഅ്‌വത്ത്, കാലികം ശാസ്ത്രീയം എന്ന വിഷയത്തില്‍ മുഖ്യപ്രഭാഷണം നടത്തി. സി. മുഹമ്മദാലി ഫൈസി കര്‍മ പദ്ധതി അവതരിപ്പിച്ചു.
സംസം ബഷീര്‍ അലനല്ലൂര്‍ സ്വാഗതവും വൈഷ്യന്‍ മുഹമ്മദ് നന്ദിയും പറഞ്ഞു.