ഹരിപ്പാട്: തെരുവ് നായ കുറുകെചാടിയതിനെത്തുടര്‍ന്ന് ഓട്ടോ ടാക്‌സി നിയന്ത്രണംവിട്ട് താഴ്ചയിലേക്ക് മറിഞ്ഞു. കഴിഞ്ഞദിവസം വൈകിട്ട് കൊച്ചിയുടെ ജെട്ടി പാലത്തിന്റെ പടിഞ്ഞാറ് ഭാഗത്തെ അപ്രോച്ച് റോഡില്‍ നിന്നാണ് ഓട്ടോ ടാക്‌സി താഴേക്ക് പതിച്ചത്. പാലം കയറി ഇറങ്ങുമ്പോള്‍ അപ്രതീക്ഷിക്ഷിതമായായി കുറുകെ ചാടിയ നായയെ രക്ഷപ്പെടുത്താന്‍ വാഹനം വെട്ടിച്ചപ്പോഴാണ് നിയന്ത്രണം വിട്ടത്.
വശങ്ങളിലുള്ള കോണ്‍ക്രീറ്റ് കുറ്റികള്‍ തകര്‍ത്താണ് പത്തടിയോളം താഴ്ചയിലേക്ക് ഓട്ടോ പതിച്ചത്. ഓട്ടോ ഓടിച്ചിരുന്ന തൃക്കുന്നപ്പുഴ പള്ളിപ്പാട്ട്മുറി കുന്നേല്‍ വീട്ടില്‍ സി.ബിജു നിസാര പരിക്കുകളോടെ രക്ഷപ്പെട്ടു. കരുനാഗപ്പള്ളയില്‍ നിന്ന് തിരികെ തൃക്കുന്നപ്പുഴക്ക് മടങ്ങുകയായിരുന്നു ഇയാള്‍. വാഹനത്തില്‍ മറ്റ് യാത്രക്കാരുണ്ടായിരുന്നില്ല.