കൊച്ചി: കേരളത്തിന്റെ സ്വപ്‌നപദ്ധതിയായ കൊച്ചി മെട്രോയുടെ യാത്രാനിരക്കുകള്‍ പ്രഖ്യാപിച്ചു. മിനിമം 10 രൂപയാണ് യാത്രാകൂലി. രണ്ടു കി.മീറ്റര്‍ വരെ 10 രൂപ നിരക്കില്‍ യാത്ര ചെയ്യാം. ആലുവയില്‍ നിന്നും പേട്ട വരെയുള്ള യാത്രയ്ക്ക് 60 രൂപയാണ് ചാര്‍ജ്. ഡല്‍ഹിയില്‍ ചേര്‍ന്ന കെ.എം.ആര്‍.എലിന്റെ 25ാമത് ഡയറക്ടര്‍ ബോര്‍ഡ് യോഗമാണ് നിരക്കുകള്‍ നിശ്ചയിച്ചത്.

10 കി.മീറ്റര്‍ വരെയുള്ള യാത്രയ്ക്ക് 30 രൂപയാണ് ടിക്കറ്റ് നിരക്ക്. 20 രൂപ ടിക്കറ്റിന് അഞ്ച് കി.മീറ്റര്‍ വരെ യാത്ര ചെയ്യാം. 40 രൂപയ്ക്ക് 15 കി.മീറ്ററും, 50 രൂപയ്ക്ക് 20 കി.മീറ്ററും യാത്ര ചെയ്യാവുന്ന രീതിയിലാണ് നിരക്കുകളുടെ ക്രമീകരണം.