ഉലമാ-ഉമറാ കോണ്‍ഫറന്‍സ് ഇന്ന്
മുക്കം: ഒരു വര്‍ഷം നീണ്ടുനില്‍ക്കുന്ന മലയമ്മ റെയ്ഞ്ച് ജംഇയ്യത്തുല്‍ മുഅല്ലിമീന്‍ റൂബി ജൂബിലിയുടെ ഭാഗമായി ഉലമാ-ഉമറാ കോണ്‍ഫറന്‍സ് ഇന്നു നടക്കും. രാവിലെ ഒന്‍പതിന് അമ്പലക്കണ്ടി പുതിയോത്ത് ജുമാ മസ്ജിദില്‍ നടക്കുന്ന പരിപാടി സമസ്ത ട്രഷറര്‍ ജിഫ്രി മുത്തുക്കോയ തങ്ങള്‍ ഉദ്ഘാടനം ചെയ്യും. അബ്ദുല്ല മാസ്റ്റര്‍ കൊട്ടപ്പുറം വിഷയാവതരണം നടത്തും.
ജൂബിലിയുടെ ഭാഗമായി ജൂബിലി സുവനീര്‍, സാംസ്‌കാരിക സമ്മേളനം, റെയ്ഞ്ച് മാതൃസംഗമം, മെഡിക്കല്‍ ക്യാംപ്, ലഹരി വിരുദ്ധ കണ്‍വന്‍ഷന്‍, പഠന ക്യാംപ്, മുതഅല്ലിം സംഗമം, അവാര്‍ഡ് ദാനം, പാരന്റ്‌സ് വര്‍ക്ക്‌ഷോപ്പ്, കലാ സാഹിത്യ മത്സരം, സമാപന സമ്മേളനം എന്നിങ്ങനെ 13 ഇന കര്‍മപരിപാടികളാണ് ആസൂത്രണം ചെയ്തിരിക്കുന്നത്.
യോഗത്തില്‍ റെയ്ഞ്ച് പ്രസിഡന്റ് പി.സി അഹമ്മദ് ഫൈസി അധ്യക്ഷനായി. ജന. സെക്രട്ടറി സാജിദ് ഫൈസി പിണങ്ങോട്, അബു മൗലവി അമ്പലക്കണ്ടി, ഹുസൈന്‍ ബാഖവി അമ്പലക്കണ്ടി, പി.സി യൂസുഫ് ഫൈസി, മൊയ്തീന്‍ മാസ്റ്റര്‍ മലയമ്മ, റസാഖ് മാസ്റ്റര്‍ തടത്തിമ്മല്‍, ഐ.പി ഉസൈന്‍കുട്ടി മാസ്റ്റര്‍, ഹംസ മാസ്റ്റര്‍ ഈസ്റ്റ് മലയമ്മ സംസാരിച്ചു.