ബങ്കോക്ക്: തായ്‌ലാന്‍ഡിന്റെ രാജാവായി വജ്രലോങ്‌കോണ്‍ (64) അധികാരമേറ്റു. രാമാ പത്താമന്‍ എന്നാകും അദ്ദേഹം അറിയപ്പെടുക. പുതിയ രാജാവായി സ്ഥാനമേല്‍ക്കുന്നതിനുള്ള പാര്‍ലമെന്റിന്റെ ഔദ്യോഗിക ക്ഷണപ്പത്രം അദ്ദേഹം സ്വീകരിച്ചതിനെ തുടര്‍ന്നാണ് അദ്ദേഹം രാജാവായത്.

അന്തരിച്ച ഭൂമിബോല്‍ അതുല്യതേജ് രാജാവിന്റെ മകനാണ് വജ്രലോങ്‌കോണ്‍. 70 വര്‍ഷം തായ്‌ലാന്‍ഡിന്റെ രാജസിംഹാസനം അലങ്കരിച്ച ഭൂമിബോല്‍ അതുല്യതേജ് രാജാവ് അന്തരിച്ചത് ഒക്ടോബര്‍ 13നാണ്.