മരട്: കണ്ണാടിക്കാട് ചമ്പക്കര കനാല്‍ തിരപ്രദേശത്ത് കഞ്ചാവ്, ലഹരിമരുന്ന് മാഫിയയുടെ ശല്യം രൂക്ഷമായതായി പരാതി.
പ്രദേശത്ത് തമ്പടിക്കുന്ന സംഘം വിദ്യാര്‍ത്ഥികള്‍ക്ക് ലഹരിമരുന്ന് നല്‍കി അടിമകളാക്കുക, ഇതുവഴി കച്ചവടത്തിന് ഉപയോഗിക്കുക തുടങ്ങിയ പ്രവര്‍ത്തികള്‍ നടത്തുന്നതായാണ് പരാതി. കൂടാതെ സ്ത്രീകളെ ശല്യം ചെയ്യുന്നതും പതിവായിരിക്കുകണെന്നും നാട്ടുകാര്‍ പറയുന്നു. ഇതിനെതിരെ ശക്തമായ നടപടി സ്വീകരിക്കണമെന്ന് നാലാം വാര്‍ഡില്‍ ചേര്‍ന്ന വാര്‍ഡുസഭാ യോഗത്തില്‍ നാട്ടുകാര്‍ അവശ്യപ്പെട്ടു. മരട് പൊലിസില്‍ ഇത് സംബന്ധിച്ച് പരാതി നല്‍കിയതായി കൗണ്‍സിലര്‍ ആര്‍.കെ.സുരേഷ് ബാബു അറിയിച്ചു.