പരപ്പനങ്ങാടി: അനധികൃത ട്രക്കര്‍ പാരല്‍ സര്‍വിസിനെതിരേ ഇന്ന് പരപ്പനങ്ങാടിയില്‍ ബസ്, ഓട്ടോ തൊഴിലാളികള്‍ പണിമുടക്ക് നടത്തുമെന്ന് സംയുക്ത സമര സമിതി ഭാരവാഹികള്‍ അറിയിച്ചു.
നിയമവിരുദ്ധമായി ഓടികൊണ്ടിരിക്കുന്ന ട്രക്കര്‍ പാരല്‍ സര്‍വിസിനെതിരേയും അതിന് ഒത്താശ ചെയ്ത് കൊടുക്കുന്ന ഉദ്യോഗസ്ഥ, ഭരണാധികാരികളുടെ നിലപാടിലും പ്രതിഷേധിച്ചാണ് ബസ് കോ-ഓര്‍ഡിനേഷന്‍ കമ്മിറ്റിയും ഓട്ടോറിക്ഷാ കോ-ഓര്‍ഡിനേഷന്‍ കമ്മിറ്റിയും സൂചനാ പണിമുടക്കിന് ആഹ്വാനം ചെയ്തത്. ഈ സമരത്തോടെ അധികൃതര്‍ അനുകൂല തീരുമാനമെടുത്തില്ലെങ്കില്‍ ബസ് ഒട്ടോ സര്‍വിസ് അനിശ്ചിതമായി നിര്‍ത്തി വെച്ച് പ്രക്ഷോഭ പരിപാടിയുമായി മുന്നോട്ടു പോകുമെന്നും ഭാരവാഹികള്‍ പറഞ്ഞു.