കണ്ണൂര്‍: മുന്‍മന്ത്രി അടൂര്‍പ്രകാശ് ആര്‍ഭാടവിവാഹം ഒരുക്കിയതില്‍ പ്രതിഷേധിച്ചു യൂത്ത് കോണ്‍ഗ്രസ് അഴീക്കോട് മണ്ഡലം കമ്മിറ്റി പ്രവര്‍ത്തകര്‍ കണ്ണൂര്‍ നഗരത്തില്‍ പ്രകടനം നടത്തി.
പഴയബസ് സ്റ്റാന്റില്‍ വച്ച് മുന്‍മന്ത്രിയും കോണ്‍ഗ്രസ് നേതാവുമായ അടൂര്‍പ്രകാശിന്റെ കോലം പ്രവര്‍ത്തകര്‍ പ്രതിഷേധസൂചകമായി കത്തിച്ചു.
യൂത്ത് കോണ്‍ഗ്രസ് അഴീക്കോട് മണ്ഡലം കമ്മിറ്റി നേതാക്കളായ ഷറഫുദ്ദീന്‍, നബീല്‍ തുടങ്ങി ഇരുപതോളം പേര്‍ പ്രതിഷേധസമരത്തില്‍ പങ്കെടുത്തു. മുന്‍മന്ത്രി അടൂര്‍ പ്രകാശിന്റെ മകന്‍, ബാര്‍ ഉടമാ സംഘടനയുടെ നേതാവ് ബിജു രമേശിന്റെ മകളെയാണ് വിവാഹം ചെയ്തത്.