പയ്യന്നൂര്‍: പയ്യന്നൂര്‍ മലബാര്‍ കേബിള്‍ ഇന്റര്‍നെറ്റ് ട്രസ്റ്റ് വഴി കേ ബിള്‍ ഓപ്പറേറ്റര്‍മാരിലൂടെ കേരളാ വിഷന്‍ ബ്രോഡ്ബാന്റ് സേവനം ലഭ്യമാകുന്നതിന്റെ പയ്യന്നൂര്‍ മേഖലാതല ഉദ്ഘാടനം മന്ത്രി കടന്നപ്പള്ളി രാമചന്ദ്രന്‍ നിര്‍വഹിച്ചു.
കുറഞ്ഞ നിരക്കില്‍ അതിവേഗ ഇന്റര്‍നെറ്റ് ഒപ്റ്റിക്കല്‍ ഫൈബറിലൂടെ വീടുകളിലെത്തുന്ന സംരഭമാണ് കേരളാ വിഷന്‍ ബ്രോഡ്ബാന്റ്. ഷേണായി ടൗണ്‍ സ്‌ക്വയറില്‍ നടന്ന പരിപാടിയില്‍ സി.ഒ.എ സംസ്ഥാന പ്രസിഡന്റ് വിജയകൃഷ്ണന്‍ കെ അധ്യക്ഷനായി. എം രാജഗോപാല്‍ എം.എല്‍.എ, നഗരസഭാ ചെയര്‍മാന്‍ ശശി വട്ടക്കൊവ്വല്‍, മുന്‍ എം.എല്‍.എ കെ.പി കുഞ്ഞിക്കണ്ണന്‍, രമേശന്‍, കെ.ടി സഹദുല്ല സംസാരിച്ചു.
കെ.സി.സി.എല്‍ ചെയര്‍മാന്‍ അബൂബക്കല്‍ സിദ്ദിഖിനും കെ വിജയകൃഷ്ണനും മന്ത്രി ഉപഹാരം നല്‍കി.
നെറ്റ്‌വര്‍ക്ക് ചാനല്‍ ചെയര്‍മാന്‍ എന്‍ പുരുഷോത്തമന്‍, ചേംബര്‍ ഓഫ് കൊമേഴ്‌സ് പ്രസിഡന്റ് കെ.യു വിജയകുമാര്‍, സി.ഒ.എ ജില്ലാ പ്രസിഡന്റ് പ്രിജേഷ് അച്ചാണ്ടി, ജില്ലാ സെക്രട്ടറി എം.വി ദീ പു, എ.വി ശശികുമാര്‍, അനില്‍ മംഗലത്ത് സംസാരിച്ചു