കൊണ്ടോട്ടി: ഇ.എം.ഇ.എ ട്രെയ്‌നിങ് കോളജ് വിദ്യാര്‍ഥികള്‍ അട്ടപ്പാടി ആദിവാസികളുടെ ജീവിതം അടുത്തറിയാന്‍ പഠനയാത്ര സംഘടിപ്പിക്കുന്നു. കൈത്താങ്ങ് 16 എന്ന പേരില്‍ ഫിലോസഫി ഡിപ്പാര്‍ട്ട്‌മെന്റിന്റെ കീഴിലാണ് പഠനയാത്ര സംഘടിപ്പിക്കുന്നത്. എട്ടിന് വിദ്യാര്‍ഥിസംഘം അട്ടപ്പാടിയിലേക്ക് തിരിക്കും.
ആദിവാസി ജീവിതസാഹചര്യങ്ങളും കുട്ടികളുടെ വിദ്യാഭാസ അവസ്ഥകളും അടുത്തറിയുന്ന പഠനയാത്രയുടെ ഭാഗമായി ഭക്ഷണസാധനങ്ങള്‍, വസ്ത്രങ്ങള്‍ എന്നിവയുള്‍പ്പെടെ ആദിവാസികുടുംബങ്ങള്‍ക്ക് വിതരണം ചെയ്യും. ചടങ്ങ് അഡ്വ. എന്‍ ശംസുദ്ധീന്‍ എം.എല്‍.എ ഉദ്ഘാടനം ചെയ്യും. യൂനിയന്‍ ചെയര്‍മാന്‍ ടി ശഹീദലി അധ്യക്ഷനാകും. നാച്ച്വറല്‍ സയന്‍സ് വിഭാഗം തലവന്‍ മായ, ഫിലോസഫി വിഭാഗം തലവന്‍ ഷരീഫ് എന്നിവരുടെ നേതൃത്വത്തിലാണ് യാത്ര.