കോയമ്പത്തൂര്‍: ജയലളിതയുടെ വിയോഗത്തെ തുടര്‍ന്ന് തമിഴ്‌നാട്ടില്‍ മൂന്നു പേര്‍ മരിച്ചു. രണ്ടു പേര്‍ ആത്മഹത്യക്ക് ശ്രമിച്ചതായും പൊലിസ് അറിയിച്ചു.
സിംഗനല്ലൂരില്‍ 65കാരനായ പെയിന്റര്‍ ടി.വിയില്‍ ജയലളിതയുടെ മരണവാര്‍ത്ത കണ്ടതിനെ തുടര്‍ന്നുണ്ടായ ഹൃദയാഘാതത്തിലാണ് മരിച്ചത്. പളനിയമ്മാള്‍ എന്ന 62കാരിയും സമാന രീതിയിലാണ് മരിച്ചത്.
ഈറോഡ് സ്വദേശിയായ 38കാരന്‍ രാജ കസേരയില്‍ നിന്ന് കുഴഞ്ഞു വീണ് മരിക്കുകയായിരുന്നു. ഇതിനിടെ കുനിയംമുത്തൂരില്‍ ലോകനാഥന്‍ എന്നയാള്‍ മൊബൈല്‍ ടവറില്‍ കയറി ആത്മഹത്യയ്ക്ക് ശ്രമിച്ചെങ്കിലും പൊലിസിന്റെ ഇടപെടലിലൂടെ ഇയാളെ പിന്തിരിപ്പിച്ചു. ശരീരത്തില്‍ തീകൊളുത്തി ആത്മഹത്യയ്ക്ക് ശ്രമിച്ച എ.ഐ.ഡി.എം.കെ പ്രവര്‍ത്തകന്‍ രാമചന്ദ്രന്‍ ആശുപത്രിയില്‍ ചികിത്സയിലാണ്. ഇയാള്‍ക്ക് 60 ശതമാനം പൊള്ളലേറ്റിട്ടുണ്ട്.