മുവാറ്റുപുഴ: മഹല്ലുകള്‍ മനുഷ്യ നന്മക്ക് എന്ന പ്രമേയത്തില്‍ കുരുമ്പിനാംപാറ മഹല്ല് ജമാഅത്ത് കമ്മിറ്റിയുടെ ആഭ്യമുഖ്യത്തില്‍ മതപ്രഭാഷണവും പഠനോപകരണ വിതരണവും എസ്എസ്എല്‍സി, പ്ലസ്ടു പരീക്ഷകളില്‍ ഉന്നത വിജയം നേടിയ വിദ്യാര്‍ത്ഥികളെ ആദരിച്ചു.
കുരിമ്പിനാംപാറയില്‍ നടന്ന പൊതുസമ്മേളനം മഹല്‍ ഇമാം കെ.എച്ച്.റഫീഖ് അലി നിസാമി ഉദ്ഘാടനം ചെയ്തു. എസ്എസ്എല്‍സി പ്ലസ്ടു അവാര്‍ഡ് വിതരണം നെല്ലിക്കുഴി പഞ്ചായത്ത് വൈസ് പ്രസിഡന്റ് എ.ആര്‍.വിനയനും പഠനോപകരണ വിതരണം വാര്‍ഡ് മെമ്പര്‍ പി.എ.ഷിഹാബും നിര്‍വ്വഹിച്ചു. ജമാഅത്ത് പ്രസിഡന്റ് എന്‍.എം.മൈതീന്‍ അധ്യക്ഷത വഹിച്ചു. സെക്രട്ടറി എം.എം.ഷിഹാബ്, ഒ.പി.മുഹ്‌യദ്ധീന്‍ മൗലവി, കെ.എം.ഹസ്സന്‍ വഹബി, മുബാറക് ബാഖവി, റ്റി.എസ്.കുഞ്ഞുമുഹമ്മദ് മൗലവി, ബഷീര്‍ ഹസനി, ക.എം.മുഹമ്മദ,് ഒ.പി.ബഷീര്‍ എന്നിവര്‍ പ്രസംഗിച്ചു.തുടര്‍ന്ന് നമ്മുടെ മക്കള്‍ നന്മയുടെ പൂക്കള്‍ എന്നവിഷയത്തില്‍ അബ്ദുല്‍ സലാം ബാഖവി പ്രഭാഷണം നടത്തി.