കിളിമാനൂര്‍: അനധികൃതമായി അരിഷ്ടം കൈവശം സൂക്ഷിച്ച് വില്‍പന നടത്തിവന്നയാളെ കിളിമാനൂര്‍ എക്‌സൈസ് സംഘം പിടികൂടി.
ആരൂര്‍ ശ്രീമണികണ്ഠ വിലാസം വീട്ടില്‍ പതഞ്ജലി (65) യെയാണ് എക്‌സൈസ് ഇന്‍സ്‌പെക്ടര്‍ ഡി.ആര്‍ സുനില്‍
കുമാറിന്റെ നേതൃത്വത്തില്‍ അറസ്റ്റ് ചെയ്തത്. പ്രതിയില്‍ നിന്നും 40 ലിറ്റര്‍ അരിഷ്ടവും പിടിച്ചെടുത്തു.
റെയ്ഡിന് അസി. ഇന്‍സ്‌പെക്ടര്‍മാരായ കെ. പത്മരാജന്‍, അബ്ദുള്‍ സലാം, പ്രിവന്റീവ് ഓഫീസര്‍മാരായ സജീം, ബിമല്‍നാഥ് എന്നിവര്‍ പങ്കെടുത്തു. ക്രിസ്തുമസ്, പുതുവര്‍ഷം പ്രമാണിച്ച് വരുംദിവസങ്ങളില്‍ പരിശോധിന ഊര്‍ജിതമാക്കുമെന്ന് എക്‌സൈസ് അറിയിച്ചു.