മൂവാറ്റുപുഴ: നാം അനുവര്‍ധിച്ചുവരുന്ന ജീവിതശൈലികളുടെ ഭാഗമായി മുമ്പ് കേട്ടുകേള്‍വി മാത്രമായിരുന്ന പല രോഗങ്ങളും ഇന്ന് നമുക്കിടയില്‍ സര്‍വസാധാരണമായിരിക്കുകയാണ്. നമ്മുടെ ബഹുഭൂരിപക്ഷം കുട്ടികള്‍ക്കും, മുതിര്‍ന്നവര്‍ക്കും നാഡീരോഗങ്ങളും, സന്ധിരോഗങ്ങളും, പ്രമേഹരോഗവും കൂടിവരുന്നു. ഇതു മനസ്സിലാക്കിക്കൊണ്ട് മൂവാറ്റുപുഴ പൗരസമിതികാക്കനാട് സണ്‍റൈസ് ആശുപത്രിയുടെയും, മൂവാറ്റുപുഴ നെടുംചാലില്‍ ട്രസ്റ്റ് ആശുപത്രിയുടെയും സഹകരണത്തോടെ ഈമാസം 10ന് രാവിലെ 9മുതല്‍ മൂവാറ്റുപുഴ കീച്ചേരിപ്പടി കൊച്ചക്കോന്‍ മെമ്മോറിയല്‍ ഓഡിറ്റോറിയത്തില്‍ സൗജന്യ മെഡിക്കല്‍ ക്യാപ് നടത്തപ്പെടുകയാണ്. രാവിലെ 9.00 ന് രജിസ്‌ട്രേഷന്‍ ആരംഭിക്കും. തുടര്‍ന്ന് നടക്കുന്ന ക്യാംപിന്റെ ഉദ്ഘാടനം ജില്ലാ പഞ്ചായത്ത് മെമ്പര്‍ എന്‍. അരുണ്‍ നിര്‍വ്വഹിക്കും. മൂവാറ്റുപുഴ പൗരസമിതി പ്രസിഡന്റ് ജിജോ പാപ്പാലില്‍ അധ്യക്ഷത വഹിക്കും. ക്യാംപില്‍ നഗരസഭാചെയര്‍ പേഴ്‌സണ്‍ ഉഷ ശശിധരന്‍ മുഖ്യപ്രഭാഷണം നടത്തും. ഡോ. ബിനോയ് മത്തായി മുഖ്യാതിഥിയായിരിക്കും. നഗരസഭാ പ്രതിപക്ഷനേതാവ് കെ.എ അബ്ദുള്‍സലാം, നഗരസഭ കൗണ്‍സിലര്‍മാരായ എം.എ സഹീര്‍, പി പ്രേംചന്ദ്, രാജി ദിലീപ്, ഷൈല അബ്ദുള്ള, മൂവാറ്റുപു പൗരസമിതി സെക്രട്ടറി മുസ്തഫ കൊല്ലംകുടി, പൗരസമിതി ട്രഷറര്‍ എം.ബി. സന്തോഷ് കുമാര്‍, ഭാരവാഹികളായ അപ്പയ്ക്കല്‍ മുഹമ്മദ്, നാസര്‍ ഉദിനാട്ട്, എം.പി. ദേവരാജന്‍, ബിജു നിരപ്പ് എന്നിവര്‍ പ്രസംഗിക്കും. മുന്‍കൂട്ടി പേര് രജിസ്റ്റര്‍ ചെയ്യേണ്ട ഫോണ്‍ നമ്പര്‍: 9447329231, 9947139853.