അങ്കാറ: സിറിയയില്‍ തുര്‍ക്കി സൈന്യം നടത്തിയ വ്യോമാക്രമണത്തില്‍ 23 ഐ.എസുകാരെ കൊലപ്പെടുത്തി. വടക്കന്‍ സിറിയയിലെ അല്‍ ബാബ് മേഖലയിലാണ് ആക്രമണം നടന്നത്. തുര്‍ക്കി അതിര്‍ത്തി പ്രദേശമായ ഗസിന്ദപുമായി അടുത്തുകിടക്കുന്ന പ്രദേശമാണിത്.
ബുധനാഴ്ച രാവിലെ ഐ.എസിന്റെ കാര്‍ബോംബ് സ്‌ഫോടനത്തില്‍ തുര്‍ക്കി സേനയിലെ ഒരാള്‍  കൊല്ലപ്പെടുകയും ആറു പേര്‍ക്കു പരുക്കേല്‍ക്കുകയും ചെയ്തിരുന്നു.
ഇതില്‍ ഒരാളുടെ നില ഗുരുതരമാണ്. ഇതേത്തുടര്‍ന്നാണ് ഐ.എസ് ഭീകരര്‍ തമ്പടിച്ചിരുന്ന കെട്ടിടവും മ ൂന്നു ടാങ്കുകളും ബോംബ് നിറച്ച വാഹനവും ലക്ഷ്യമിട്ട് വ്യോമാക്രമണം നടന്നത്. 12 ഐ.എസ് കേന്ദ്രങ്ങളില്‍ ആക്രമണം നടത്തിയെന്ന് തുര്‍ക്കി സൈന്യം അറിയിച്ചു.