ആലപ്പുഴ : കുടുംബശ്രീ സി.ഡി.എസുകളുടെ നേതൃത്വത്തില്‍ വാര്‍ഡുതലത്തില്‍ 50 സെന്റ് തരിശുനിലത്ത് വീതം ഇന്ന് കൃഷിയിറക്കും. 1373 എ.ഡി.എസുകളുടെ നേതൃത്വത്തില്‍ 650 ഏക്കര്‍ തരിശുഭൂമിയില്‍ പച്ചക്കറിയടക്കം കൃഷിചെയ്യും. കുടുംബശ്രീ ജില്ലാമിഷന്‍, അമ്പലപ്പുഴ തെക്ക് ഗ്രാമപഞ്ചായത്ത് എന്നിവയുടെ ആഭിമുഖ്യത്തില്‍ അമ്പലപ്പുഴ ആയുര്‍വേദ ആശുപത്രി പരിസരം ശുചിയാക്കും. അമ്പലപ്പുഴ തെക്ക് പഞ്ചായത്ത് പ്രസിഡന്റ് ജി. വേണുലാല്‍ ഉദ്ഘാടനം നിര്‍വ്വഹിക്കും.
സി.ഡി.എസ്. തലത്തില്‍ തയാറാക്കിയ കാര്‍ഷിക കലണ്ടര്‍ ഇന്ന് പ്രസിദ്ധീകരിക്കും. ഇന്ന് പഞ്ചായത്തുകളിലെയും നഗരസഭകളിലെയും മലിനമായ ഒരു കുളമോ തോടോ കിണറോ സി.ഡി.എസിന്റെ നേതൃത്വത്തില്‍ വൃത്തിയാക്കും.