തൊടുപുഴ: ജില്ലാ സൈനികക്ഷേമ ഓഫീസിന്റെ ആഭിമുഖ്യത്തില്‍ സായുധസേന പതാക ദിനം ആചരിച്ചു. തൊടുപുഴ നഗരസഭ ഓഫീസില്‍ നടന്ന ചടങ്ങില്‍ നഗരസഭാ ചെയര്‍പേഴ്‌സണ്‍ സഫിയ ജബ്ബാര്‍ കാര്‍ഗില്‍ യുദ്ധത്തില്‍ വീരമൃത്യു വരിച്ച ലാന്‍സ് നായക് പി.കെ സന്തോഷ് കുമാറിന്റെ ഭാര്യ കെ.ജി പ്രിയയില്‍ നിന്നും പതാക സ്വീകരിച്ച് വിതരണ ഉദ്ഘാടനം നിര്‍വഹിച്ചു.
ചടങ്ങില്‍ ജില്ലാ സൈനിക ക്ഷേമ ഓഫീസര്‍ എ. കിഷന്‍, സൈനിക ബോര്‍ഡ് വൈസ് പ്രസിഡന്റ് എം.പി. ശിവരാമന്‍, ബോര്‍ഡ് മെമ്പര്‍ വി.കെ. കൃഷ്ണപിള്ള എന്നിവര്‍ പങ്കെടുത്തു.