കൊട്ടിയം: സി.പി.എം-ബി.ജെ.പി സംഘര്‍ഷമുണ്ടായ തഴുത്തലയില്‍ സ്ഥിതി ശാന്തമായി. വ്യാപാര സ്ഥാപനത്തിനും വീടുകള്‍ക്കും നേരെ അക്രമം നടന്നതായി ഉടമകള്‍ കൊട്ടിയം പൊലിസിന് പരാതി നല്‍കിരുന്നു. തഴുത്തല ഗേള്‍സ് ലേഡീസ് വെയര്‍ എന്ന റെഡിമെയ്ഡ് കടയുടെ അടച്ചിട്ട രണ്ടു ഷട്ടറിന് ഇടയിലൂടെ പെട്രോളില്‍ മുക്കിയ തുണിയില്‍ തീകൊളുത്തി അകത്തേക്കു കയറ്റിവച്ചു. കടയുടെ ഷട്ടറിലും ഗ്ലാസിലും തീപിടിച്ചുവെങ്കിലും തീ ആളിപ്പടര്‍ന്നില്ല. തഴുത്തല പേരയം വിളയില്‍ വീട്ടില്‍ ശിങ്കാര്‍, തഴുത്തല കിഴക്കേ വീട്ടില്‍ പ്രവീണ്‍ എന്നിവരുടെ ഉടമസ്ഥതയിലുള്ള കടകളിലാണ് അക്രമം നടന്നത്. തഴുത്തലയിലെ ബീനാ സത്യന്റെ വീടിന്റെ ജനല്‍ ചില്ലകള്‍ അക്രമികള്‍ തകര്‍ത്തു. ശിങ്കാറിന്റെ വീടിന് മുന്നില്‍ പാര്‍ക്കു ചെയ്തിരുന്ന കാറിന്റെ സൈഡ് ഗ്ലാസുകളും തകര്‍ത്തു.

എന്നാല്‍ അന്നു രാത്രി തന്നെ സി.പി.എം പ്രവര്‍ത്തകന്‍ സജീവിന്റെ വീട്ടില്‍ ബി.ജെ.പി പ്രവര്‍ത്തകര്‍ അക്രമം കാട്ടിയതായി കൊട്ടിയം പൊലിസില്‍ സി.പി.എം നേതാക്കളും പരാതി നല്‍കിയിരുന്നു.