മലപ്പുറം: ആയൂര്‍വേദ മെഡിക്കല്‍ അസോസിയേഷന്‍ ഓഫ് ഇന്ത്യ ജില്ലാ സമ്മേളനം 11ന് വളാഞ്ചേരിയില്‍ നടക്കും. ഗ്രാന്റ് റസിഡന്‍സിയില്‍ കെ.കെ ആബിദ് ഹുസൈന്‍ തങ്ങള്‍ എം.എല്‍.എ ഉദ്ഘാടനം ചെയ്യും.
രാവിലെ ഒന്‍പതു മുതല്‍ വിവിധ പരിപാടികളോടെയാണ് സമ്മേളനം നടക്കുന്നത്. ഉദ്ഘാടന ചടങ്ങില്‍ സാഹിത്യ അക്കാദമി അവാര്‍ഡ് ജേതാവും കോഴിക്കോട് മെഡിക്കല്‍ കോളജ് റിട്ട: പ്രൊഫസറുമായ ഡോ. ഖദീജ മുംതാസ് മുഖ്യാതിഥിയാകും. കോട്ടക്കല്‍ ആയുര്‍വേദ കോളജ് പ്രന്‍സിപ്പല്‍ ഡോ. എം.പി ഈശ്വര ശര്‍മ്മ സംഘടനാ അവാര്‍ഡുകള്‍ വിതരണം ചെയ്യും. അസോസിയേഷനു കീഴില്‍ നടത്തിയ വനിതാ ക്ലിനിക് പരിശീലനത്തിന്റെ സര്‍ട്ടിഫിക്കറ്റുകള്‍ ചടങ്ങില്‍ വിതരണം ചെയ്യും.
ഇരുനൂറോളം സമ്മേളനത്തില്‍ പങ്കെടുക്കുക. വാര്‍ത്താസമ്മേളനത്തില്‍ ഡോ. പി.കെ ബീന റോസ്, ഡോ. സി.എച്ച് അന്‍സാര്‍ അലി ഗുരിക്കള്‍, ഡോ. പി.കെ നസീമ, ഡോ. എം. കുമാരന്‍ എന്നിവര്‍ പങ്കെടുത്തു.