വളാഞ്ചേരി: കുറ്റിപ്പുറം ഗവ. ഹയര്‍ സെക്കന്‍ഡറി സ്‌കൂളില്‍ നടന്ന കുറ്റിപ്പുറം ഉപജില്ലാ കലാമേളയില്‍ ഇരിമ്പിളിയം എം ഇ.എസ് ഹയര്‍ സെക്കന്‍ഡറി സ്‌കൂള്‍ ഹൈസ്‌കൂള്‍, ഹയര്‍ സെക്കന്‍ഡറി വിഭാഗങ്ങളില്‍ ചാംപ്യന്മാരായി. ഹയര്‍ സെക്കന്‍ഡറി വിഭാഗത്തില്‍ 168 പോയിന്റും ഹൈസ്‌കൂള്‍ വിഭാഗത്തില്‍ 167 പോയിന്റും നേടിയാണ് ഇരിമ്പിളിയം എം ഇ.എസ് ഹയര്‍ സെക്കന്ററി സ്‌കൂള്‍ ചാംപ്യന്‍മാരായത്.
ഇരുവിഭാഗത്തിലും ഇരിമ്പിളിയം ഗവ. ഹയര്‍ സെക്കന്‍ഡറി സ്‌കൂളിനാണ് രണ്ടാം സ്ഥാനം . ഹയര്‍ സെക്കന്‍ഡറി ഹൈസ്‌കൂള്‍ വിഭാഗങ്ങളില്‍ 162 പോയിന്റു വീതം നേടിയാണ് ഇരിമ്പിളിയം ഗവ. ഹയര്‍സെക്കഡറി സ്‌കൂള്‍ രണ്ടാം സ്ഥാനത്തെത്തിയത്. ഹയര്‍ സെക്കന്‍ഡറി വിഭാഗത്തില്‍ 145 പോയിന്റ് നേടിയ ഗവ.ഹയര്‍ സെക്കന്‍ഡറി സ്‌കൂള്‍ ആതവനാടു മൂന്നാം സ്ഥാനം നേടി. ഹൈസ്‌കൂള്‍ വിഭാഗത്തില്‍ 119 പോയിന്റ് വീതം നേടിയ കുറ്റിപ്പുറം ഗവ.ഹയര്‍ സെക്കന്‍ഡറി സ്‌കൂളും ആതവനാട്ഗവ.ഹയര്‍സെക്കന്‍ഡറി സ്‌കൂളും മൂന്നാം സ്ഥാനം പങ്കിട്ടു. യു പി.വിഭാഗത്തില്‍74 പോയിന്റ് നേടിയ തൊഴുവാനൂര്‍ സാന്ദീപനി വിദ്യാനികേതന്‍ ചാംപ്യന്മാരായി. 72പോയിന്റോടു കൂടി ജി.യു.പി.എസ് പൈങ്കണ്ണൂരും, എ. എം യു.പി.സ്‌കൂള്‍ പുറമണ്ണൂരും രണ്ടാം സ്ഥാനം പങ്കിട്ടു. 70 പോയിന്റ് നേടിയ എടയൂര്‍ കെ.എം .യു.പി.സ്‌കൂളിനാണ് മൂന്നാം സ്ഥാനം. കെ.കെ. ആബിദ് ഹുസൈന്‍ തങ്ങള്‍ എം.എല്‍.എ.സമ്മാനദാനം നിര്‍വഹിച്ചു.