കട്ടപ്പന:  നബിദിന റാലിയും ശരിഅത്ത് സംരക്ഷണ സമ്മേളനവും 12-ന് ഉച്ചകഴിഞ്ഞ് മൂന്നിന് കട്ടപ്പനയില്‍ നടക്കും. കട്ടപ്പന മുനിസിപ്പല്‍ മിനിസ്റ്റേഡിയത്തില്‍ നടക്കുന്ന സമ്മേളനം മന്ത്രി എം.എം. മണി ഉദ്ഘാടനംചെയ്യും. സ്വാഗതസംഘം ചെയര്‍മാന്‍ അബ്ദുല്‍ സത്താര്‍ മൗലവി അധ്യക്ഷതവഹിക്കും. കടക്കല്‍ ജുനൈദ് മുഖ്യപ്രഭാഷണം നടത്തും.
ജോയ്‌സ് ജോര്‍ജ് എം.പി, റോഷി അഗസ്റ്റിന്‍ എം.എല്‍.എ, മുനിസിപ്പല്‍ ചെയര്‍മാന്‍ ജോണി കുളംപള്ളി, അബ്ദുല്‍ വഹാബ് പന്തളം, കെ.പി. ഹസന്‍, മൗലവി ഫസലുല്‍ ഹഖ്  കൗസരി, മുഹമ്മദ് ഷറഫുദീന്‍, മുഹമ്മദ് ബഷീര്‍ മൗലവി, അബ്ദുല്‍ ഷുക്കൂര്‍, എ.എച്ച്. കുഞ്ഞുമോന്‍, ഹാജി ജി. പൂക്കുട്ടി, കെ.പി. ബഷീര്‍ തുടങ്ങിയവര്‍ പ്രസംഗിക്കും. വിവിധ മഹല്ല് ഇമാമീങ്ങള്‍ ജമാഅത്ത് കമ്മിറ്റി പ്രസിഡന്റുമാര്‍, സെക്രട്ടറിമാര്‍ തുടങ്ങിയവര്‍ പങ്കെടുക്കും.
സമ്മേളനത്തിനു മുന്നോടിയായി ഐ.ടി.ഐ പരിസരത്തുനിന്നും മുനിസിപ്പല്‍ മിനിസ്റ്റേഡിയത്തിലേക്ക് നബിദിന റാലിയും നടക്കും.