ആലപ്പുഴ : എസ്.എന്‍.ഡി.പി യോഗം അമ്പലപ്പുഴ യൂണിയന്റെ ആഭിമുഖ്യത്തില്‍ നാളെ മെറിറ്റ് ഈവനിംഗ് നടക്കും. ഇരുനൂറ് വിദ്യാര്‍ത്ഥികള്‍ക്ക് വിദ്യാഭ്യാസ ആനുകൂല്യം, പ്രതിഭകളെ ആധരിക്കല്‍, എം.ബി.ബി.എസ്, എന്‍ജിനീയറിംഗ് അവാര്‍ഡ് ദാനം, ഇരുനൂറ് വിദ്യാര്‍ത്ഥികളെ ദത്തെടുത്ത് പഠിപ്പിക്കുന്ന പദ്ധതി ഉദ്ഘാടനം , ഡിഗ്രി സ്‌കോളര്‍ഷിപ്പ് വിതരണം, എസ്.എസ്.എല്‍.സി സ്‌കോളര്‍ഷിപ്പ് വിതരണം, മൈക്രോഫിനാന്‍സ് വായ്പ വിതരണം എന്നിവ നടക്കും.
പ്രസിഡന്റ് കലവൂര്‍ എന്‍ ഗോപിനാഥ് അധ്യക്ഷത വഹിക്കുന്ന സമ്മേളനം യോഗം ജനറല്‍ സെക്രട്ടറി വെളളാപ്പളളി നടേശന്‍ ഉദ്ഘാടനം ചെയ്യും. ധനകാര്യ മന്ത്രി തോമസ് ഐസക്ക് പ്രതിഭകളെ ആദരിക്കും. പൊതുമരാമത്ത് മന്ത്രി ജി സുധാകരന്‍ അവാര്‍ഡുകള്‍ വിതരണം ചെയ്യും. ഭക്ഷ്യമന്ത്രി പി തിലോത്തമന്‍ ഡിഗ്രി തലത്തിലുളള അവാര്‍ഡുകള്‍ വിതരണം ചെയ്യും. എം.എല്‍.എ പി.ടി തോമസ് പ്ലസ് ടു അവാര്‍ഡുകള്‍ വിതരണം ചെയ്യും. നഗരസഭാ ചെയര്‍മാന്‍ തോമസ് ജോസഫ് എസ്.എസ്.എല്‍.സി അവാര്‍ഡുകള്‍ നല്‍കും. എസ്.ഡി.വി സ്‌കൂള്‍ മാനേജര്‍ ആര്‍ കൃഷ്ണന്‍ സ്‌കോളര്‍ഷിപ്പ് വിതരണം ചെയ്യും. സമ്മേളനത്തില്‍ ആര്‍ സാജന്‍, ഡോ. സായിലാല്‍, പി ഹരിദാസ്, പി.വി സാനു, സി.പി രവീന്ദ്രന്‍, ബി ലളിത് കുമാര്‍, ഉതുടങ്ങിയവര്‍ പ്രസംഗിക്കും.