സംഘാടക സമിതി രൂപീകരണം

കണ്ണൂര്‍: 57-ാമത് സംസ്ഥാന സ്‌കൂള്‍ കലോത്സവത്തിന്റെ സ്വാഗതസംഘം രൂപീകരണ യോഗം 13 ന് ഉച്ചക്ക് രണ്ടു മണിക്ക് കലക്ടറേറ്റ് ഓഡിറ്റോറിയത്തില്‍ മന്ത്രി രാമചന്ദ്രന്‍ കടന്നപ്പളളി ഉദ്ഘാടനം ചെയ്യും.  
നീലവിപ്ലവം പദ്ധതി: അപേക്ഷ ക്ഷണിച്ചു
കണ്ണൂര്‍:ഉള്‍നാടന്‍ മത്സ്യബന്ധനവും കൃഷിയും വികസിപ്പിക്കുന്നതിനായി കേന്ദ്ര-സംസ്ഥാന സര്‍ക്കാറുകള്‍ സംയുക്തമായി നടപ്പാക്കുന്ന നീലവിപ്ലവം പദ്ധതിയിലേക്ക് കര്‍ഷകരില്‍നിന്നും അപേക്ഷ ക്ഷണിച്ചു. പുതിയ ഓരുജലമത്സ്യകുളങ്ങളുടെ നിര്‍മാണം, ഓരുജലമത്സ്യകുളങ്ങളുടെ പുനരുദ്ധാരണം, ജലകൂട്കൃഷി തുടങ്ങിയവയ്ക്ക് 50 ശതമാനം സബ്‌സിഡി നിരക്കില്‍ പദ്ധതിയില്‍ ധനസഹായം അനുവദിക്കും. അപേക്ഷഫോറം കണ്ണൂര്‍ മാപ്പിളബേയിലുള്ള ഫിഷറീസ് ഡെപ്യൂട്ടിഡയറക്ടര്‍ ഓഫിസ്,  മത്സ്യകര്‍ഷകവികസന ഏജന്‍സി എന്നിവിടങ്ങളില്‍ നിന്നും ഡിസംബര്‍ 24വരെ വിതരണംചെയ്യും. ഫോണ്‍ നമ്പര്‍: 0497 2731081, 0497 2732340.

ക്രിസ്മസ് -ന്യൂയര്‍ ഖാദിമേള 14 മുതല്‍

കണ്ണൂര്‍:ഖാദി ഗ്രാമവ്യവസായ ബോര്‍ഡിന് കീഴിലുള്ള പയ്യന്നൂര്‍ ഖാദി കേന്ദ്രത്തിന്റെ ക്രിസ്മസ് ന്യൂഇയര്‍ വില്‍പന മേള 14 മുതല്‍ 31 വരെ കണ്ണൂര്‍ ഖാദി ഗ്രാമസൗഭാഗ്യയില്‍ നടക്കും. ജില്ലാതല ഉദ്ഘാടനം 14 ന് രാവിലെ 10 മണിക്ക് ഖാദി ഗ്രാമവ്യവസായ ബോര്‍ഡ് വൈസ് ചെയര്‍മാന്‍ നിര്‍വഹിക്കും. മേളയില്‍ തുണിത്തരങ്ങള്‍ക്ക് 30 ശതമാനം റിബേറ്റ് ലഭിക്കും.