എടപ്പാള്‍: ദുരൂഹ സാഹചര്യത്തില്‍ യുവതിയുടെ ആഭരണങ്ങള്‍ കവര്‍ന്നതായി പരാതി. വട്ടംകുളം നെല്ലിശ്ശേരി സ്വദേശിയായ നാല്‍പതുകാരിയാണ് പരാതിയുമായി രംഗത്തു വന്നത്. ഇന്നലെ വൈകിട്ട് നാലിന് എടപ്പാള്‍ തൃശ്ശൂര്‍ റോഡില്‍ പേരക്കുട്ടിയോടൊപ്പം ബസ് കാത്തു നില്‍ക്കുന്നതിനിടയില്‍ പരിചയപ്പെട്ട യുവതി ക്ലോറോഫോം മണപ്പിച്ച് ബോധരഹിതയാക്കുകയും ഓട്ടോയില്‍ കയറ്റി മാലയും വളയുമുള്‍പ്പടെ മൂന്നരപവന്റെ സ്വര്‍ണാഭരണങ്ങള്‍ മോഷ്ടിച്ച് വഴിയില്‍ ഉപേക്ഷിക്കുകയും ചെയ്തതായാണ് പരാതി. ഓട്ടോയില്‍ കയറ്റിയ ശേഷം പട്ടാമ്പി റോഡിലേക്കു പോകുകയും ഹോസ്പിറ്റലിന് സമീപത്ത് ഉപേക്ഷിച്ചു കടന്നു കളയുകയും ചെയ് തതായാണ് പരാതിയില്‍ പറയുന്നത്. തുടര്‍ന്ന് ഇവര്‍ ബ്ലോക്ക് ഓഫിസ് കോമ്പൗണ്ടണ്ടില്‍ പ്രവര്‍ത്തിക്കുന്ന വനിതാ കാന്റീനിലെത്തി ജീവനക്കാരോട് വിവരം പറഞ്ഞു. തുടര്‍ന്ന് പരിശോധന നടത്തിയെങ്കിലും ആരെയും കണ്ടെണ്ടത്തിയില്ല. തുടര്‍ന്ന് ചങ്ങരംകുളം പൊലിസ് സ്ഥലത്തെത്തുകയും അന്വേഷണം നടത്തുകയും ചെയ്തു. എന്നാല്‍ പരാതിയില്‍ ദുരൂഹതയുള്ളതിനാല്‍ പരാതിക്കാരിയില്‍ നിന്നും പൊലിസ് കൂടുതല്‍ വിവരങ്ങള്‍ ശേഖരിച്ചുവരികയാണ്.