ശാസ്താംകോട്ട: ശാസ്താംകോട്ട ഉപജില്ലാ കലോത്സവം പതാരം എസ്.എം.എച്ച്.എസ്.എസില്‍ ആരംഭിച്ചു. മന്ത്രി ജെ മേഴ്‌സിക്കുട്ടിയമ്മ ഉദ്ഘാടനം ചെയ്തു. കോവൂര്‍ കുഞ്ഞുമോന്‍ എം.എല്‍.എ അധ്യക്ഷത വഹിച്ചു. കലാമേളയുടെ ഉദ്ഘാടനം കവി ഏഴാച്ചേരി രാമചന്ദ്രന്‍ നിര്‍വ്വഹിച്ചു. ബ്ലോക്ക് പഞ്ചായത്ത് പ്രസിഡന്റ് എ സുമ, ഗ്രാമപഞ്ചായത്ത് പ്രസിഡന്റുമാരായ എം ദര്‍ശനന്‍, ടി.ആര്‍ ശങ്കരപിള്ള, എസ് ശശികല, പി പുഷ്പകുമാരി, ആര്‍ രാജീവ്, എം അബ്ദുല്‍ ലത്തീഫ്, വി.സിരാജി, മുന്‍ പി.എസ്.സി ചെയര്‍മാന്‍ എം ഗംഗാധരക്കുറുപ്പ്, കെ ചന്ദ്രബാബു, പ്രഥമാധ്യാപകരായ കെ രാജശേഖരന്‍ ഉണ്ണിത്താന്‍, ടി ഗീതാഭായി, കെ കൃഷ്ണന്‍കുട്ടിനായര്‍, കെ ശിവശങ്കരന്‍ നായര്‍,  സ്‌കൂള്‍ മാനേജര്‍ ആര്‍ ഗോപാലകൃഷ്ണപിള്ള, പ്രിന്‍സിപ്പല്‍ എം.ആര്‍ മിനി, വി.എസ് അജയകുമാര്‍ സംസാരിച്ചു.