നെടുമ്പാശ്ശേരി: കൃഷി ഭൂമിയില്‍ മാലിന്യങ്ങള്‍ തള്ളുന്നത് നാട്ടുകാര്‍ തടഞ്ഞു.
ചെങ്ങമനാട് പഞ്ചായത്തിലെ പുറയാറില്‍ ചെങ്ങല്‍തോടിന്റെ പരിസരത്തുള്ള കൃഷിഭൂമിയാണ് മാലിന്യങ്ങള്‍ നിക്ഷേപിച്ച് നികത്തുവാന്‍ ശ്രമം നടന്നത്.
നഗരമാലിന്യങ്ങളും ഫ്‌ളാറ്റ് നിര്‍മാണത്തിന് പൈലിങ്ങ് നടക്കുന്നിടത്ത് നിന്നു ലഭിക്കുന്ന ദ്രാവകരൂപത്തിലുള്ള മാലിന്യങ്ങളുമാണ് കൃഷി ഭൂമിയില്‍ തള്ളിയത്.
സമീപവാസികളുടെ പരാതിയെ തുടര്‍ന്ന് ചെങ്ങമനാട് വില്ലേജ് ഓഫിസറുടെ നിര്‍ദേശപ്രകാരം നെടുമ്പാശ്ശേരി പൊലിസ് സംഭവസ്ഥലത്ത് എത്തുകയും ഫ്‌ളാറ്റ് മാലിന്യവുമായി എത്തിയ ടാങ്കര്‍ ലോറി കസ്റ്റഡിയിലെടുക്കുകയും ചെയ്തു.