കോഴിക്കോട്: കോഴിക്കോട് പെരുവണ്ണാമുഴി കക്കയം വനമേഖലയില്‍ മാവോയിസ്റ്റ് സാന്നിധ്യമുണ്ടെന്ന സംശയത്തെ തുടര്‍ന്ന് പൊലിസും തണ്ടര്‍ബോള്‍ട്ട് സേനയും പരിശോധന നടത്തുന്നു. നിലമ്പൂര്‍ വനമേഖലയില്‍ നിന്നും രക്ഷപ്പെട്ട മാവോയിസ്റ്റുകളാണ് കക്കയം ഡാം പരിസരുത്തുള്ളതെന്നാണ് പൊലിസ് നിഗമനം. നേരത്തെ നിലമ്പൂര്‍ കരുളായി വനമേഖലയില്‍ പൊലിസുമായുള്ള ഏറ്റുമുട്ടലില്‍ രണ്ട് മാവോയിസ്റ്റുകള്‍ കൊല്ലപ്പെട്ടിരുന്നു.

ഈ സംഘത്തില്‍ ബാക്കിയുള്ളവര്‍ രക്ഷപ്പെട്ടെന്നായിരുന്നു പൊലിസ് അറിയിച്ചിരുന്നത്. കൂടാതെ ഇവര്‍ പരിശീലനം നടത്തുന്ന വീഡിയോ ദൃശ്യങ്ങളും പൊലിസ് ചാനലുകളിലൂടെ പുറത്തുവിട്ടിരുന്നു. സംശയത്തെ തുടര്‍ന്ന് ഇന്ന് പുലര്‍ച്ചെ അഞ്ചു മുതല്‍ തന്നെ തണ്ടര്‍ബോള്‍ട്ട് പരിശോധന ആരംഭിച്ചു.