യുണൈറ്റഡ് നാഷന്‍സ്: ഐക്യരാഷ്ട്രസഭയുടെ സെക്രട്ടറി ജനറലായി അന്‍േറാണിയോ ഗുട്ടറസ് ഇന്ന് ചുമതലയേല്‍ക്കും. തിങ്കളാഴ്ച നടക്കുന്ന അംഗരാജ്യങ്ങളുടെ പ്രത്യേക പ്‌ളീനറി യോഗത്തില്‍ പൊതുസഭയുടെ പ്രസിഡന്റ് പീറ്റര്‍ തോംസണ്‍ ഗുട്ടെറസിന് സത്യവാചകം ചൊല്ലിക്കൊടുക്കും.ശേഷം നിയുക്ത സെക്രട്ടറി ജനറല്‍ സഭയെ അഭിസംബോധന ചെയ്യും.പോര്‍ച്ചുഗീസ് മുന്‍ പ്രധാനമന്ത്രിയും പ്രമുഖ സോഷ്യലിസ്റ്റ് നേതാവും കൂടിയാണ് ഗുട്ടറസ്.

നിലവിലെ സെക്രട്ടറി ജനറല്‍ ബാന്‍ കി മൂണിന്റെ കാലാവധി ഡിസംബര്‍ 31നാണ് അവസാനിക്കുക. അഞ്ച് വര്‍ഷമാണ് ഐക്യരാഷ്ട്രസഭ സെക്രട്ടറി ജനറലിന്റെ കാലാവധി.