കോഴിക്കോട്: ജില്ലാ ഫുട്ബാള്‍ പ്ലെയേഴ്‌സ് അസോസിയേഷന്‍ സംഘടിപ്പിക്കുന്ന എ.പി മൊയ്തീന്‍കോയ മെമ്മോറിയല്‍ അഖില കേരളാ ജൂനിയര്‍ ഫുട്ബാള്‍ ടൂര്‍ണമെന്റില്‍ ഇന്നലെ നടന്ന മത്സരത്തില്‍ എച്ച്.എം.സി.എ ഒന്നിനെതിരേ ആറു ഗോളുകള്‍ക്ക് പൂളക്കടവ് ഫുട്ബാള്‍ അക്കാദമിയെ പരാജയപ്പെടുത്തി.
എച്ച്.എം.സി.എയ്ക്കു വേണ്ടി അനുരാഗ് മൂന്നും അഭിനന്ദ് രണ്ടും ഫഹദുദ്ദീന്‍ ഒരു ഗോളും പൂളക്കടവിന് വേണ്ടി മുഹമ്മദ് ആദില്‍ ഒന്നും ഗോള്‍ നേടി. രണ്ടാമത്തെ മത്സരത്തില്‍ ഗ്രീന്‍സ്റ്റാര്‍ പെരുമണ്ണ ഏകപക്ഷീയമായ ഒരു ഗോളിന് ന്യൂസോക്കര്‍ അക്കാദമി ഫാറൂഖ് കോളജിനെ പരാജയപ്പെടുത്തി. ഇന്ന് നടക്കുന്ന മത്സരത്തില്‍ തെരട്ടമ്മല്‍ അക്കാദമി റോയല്‍ സെപ്റ്റ് ടീമിനേയും ഗ്രൗണ്ട് ടീം താനൂര്‍ ക്രസന്റ് റെഡിനേയും നേരിടും.