കായംകുളം: ബൈക്കിനു പിന്നില്‍ കാറിടിച്ച് റോഡിലേക്ക് തെറിച്ചുവീണ് വീട്ടമ്മക്ക് ഗുരുതരമായി പരിക്കേറ്റു.എരുവ കോയിക്കപ്പടി പുത്തന്‍വീട്ടില്‍ സെയ്ഫുദീന്റെ ഭാര്യ നസിയ (32)ക്കാണ് തലക്കു പരിക്കേറ്റത്. ഇവരെ എറണാകുളത്തെ സ്വകാര്യാശുപത്രിയില്‍ പ്രവേശിപ്പിച്ചു.
കഴിഞ്ഞ ദിവസം രാത്രിയില്‍ ദേശീയപാതയില്‍ കുന്നത്താലുമ്മൂട് ജംഗ്ഷനു സമീപമായിരുന്നു അപകടം.ചവറയില്‍ നസിയയുടെ വീട്ടില്‍ പോയി മടങ്ങുകയായിരുന്ന ഇവര്‍ സഞ്ചരിച്ചിരുന്ന ബൈക്കില്‍ പിന്നാലെ എത്തിയ കാര്‍ നിയന്ത്രണംവിട്ട് ഇടിക്കുകയായിരുന്നു.
ഇടിയുടെ ആഘാതത്തില്‍ റോഡിലേക്ക് തെറിച്ചുവീണ് പരിക്കേറ്റ നസിസയെ താലൂക്കാശുപത്രിയിലും തുടര്‍ന്ന് ആലപ്പുഴ മെഡിക്കല്‍കോളേജ് ആശുപത്രിയിലും എത്തിച്ചെങ്കിലും പരിക്ക് ഗുരുതരമായതിനാല്‍ എറണാകുളത്തേക്ക് മാറ്റി.സെയ്ഫുദീനും ഒപ്പമുണ്ടായിരുന്ന മക്കളായ അന്‍സിഫ്,ആസിഫ് എന്നിവരും പരിക്കേല്‍ക്കാതെ രക്ഷപ്പെട്ടു.